కిమపేక్షయా తేషాం పరత్వం ? తత్రాహ -

దేహమితి ।

తథాఽపి కేన ప్రకారేణ పరత్వం ? తదాహ -

సౌక్ష్మ్యేతి ।

ఆదిశబ్దేన కారణత్వాది గృహ్యతే ।

ఇన్ద్రియాపేక్షయా సూక్ష్మత్వాదినా మనసః స్వరూపోక్తిపూర్వకం పరత్వం కథయతి -

తథేతి ।

మనసి దర్శితం న్యాయం బుద్ధావతిదిశతి -

తథా మనసస్త్వితి ।

‘యో బుద్ధేః’ (భ. గీ. ౩-౪౨) ఇత్యాది వ్యాచష్టే -

తథేత్యాదినా ।

ఆత్మనో యథోక్తవిశేషణస్యాప్రకృతత్వమాశఙ్క్యాహ  -

యం దేహినమితి

॥ ౪౨ ॥