ఇన్ద్రియాదిసమాధానపూర్వకమాత్మజ్ఞానాత్ కామజయో భవతీత్యుపసంహరతి -

ఎవమిత్యాదినా ।

సంస్కృతం మనో మనః సమాధానే హేతురితి సూచయతి -

సంస్తభ్యేతి ।

ప్రకృతం శత్రుమేవ విశినష్టి -

కామరూపమితి ।

తస్య దురాసదత్వే హేతుమాహ -

దూర్విజ్ఞేయేతి ।

అనేకవిశేషోఽతాదృశో మహాశనత్వాదిః, తదనేనోపాయభూతా కర్మనిష్ఠా ప్రాధాన్యేనోక్తా, ఉపేయా తు జ్ఞాననిష్ఠా గుణత్వేనేతి వివేక్తవ్యమ్ ॥ ౪౩ ॥

తత్సత్ ఇతి శ్రీమత్పరమహంసపరివ్రాజకాచార్య - శ్రీమచ్ఛుద్ధానన్దపూజ్యపాదశిష్యానన్దజ్ఞానకృతే శ్రీమద్భగవద్గీతాశాఙ్కరభాష్యవ్యాఖ్యానే తృతీయోఽధ్యాయః ॥ ౩ ॥