ஶ்ரீமத்³ப⁴க³வத்³கீ³தாபா⁴ஷ்யம்
சதுர்தோ²(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
‘த்யக்த்வா கர்மப²லாஸங்க³ம்’ (ப⁴. கீ³. 4 । 20) இத்யநேந ஶ்லோகேந ய: ப்ராரப்³த⁴கர்மா ஸந் யதா³ நிஷ்க்ரியப்³ரஹ்மாத்மத³ர்ஶநஸம்பந்ந: ஸ்யாத் ததா³ தஸ்ய ஆத்மந: கர்த்ருகர்மப்ரயோஜநாபா⁴வத³ர்ஶிந: கர்மபரித்யாகே³ ப்ராப்தே குதஶ்சிந்நிமித்தாத் தத³ஸம்ப⁴வே ஸதி பூர்வவத் தஸ்மிந் கர்மணி அபி⁴ப்ரவ்ருத்தஸ்ய அபி ‘நைவ கிஞ்சித் கரோதி ஸ:’ (ப⁴. கீ³. 4 । 20) இதி கர்மாபா⁴வ: ப்ரத³ர்ஶித: । யஸ்ய ஏவம் கர்மாபா⁴வோ த³ர்ஶித: தஸ்யைவ —
‘த்யக்த்வா கர்மப²லாஸங்க³ம்’ (ப⁴. கீ³. 4 । 20) இத்யநேந ஶ்லோகேந ய: ப்ராரப்³த⁴கர்மா ஸந் யதா³ நிஷ்க்ரியப்³ரஹ்மாத்மத³ர்ஶநஸம்பந்ந: ஸ்யாத் ததா³ தஸ்ய ஆத்மந: கர்த்ருகர்மப்ரயோஜநாபா⁴வத³ர்ஶிந: கர்மபரித்யாகே³ ப்ராப்தே குதஶ்சிந்நிமித்தாத் தத³ஸம்ப⁴வே ஸதி பூர்வவத் தஸ்மிந் கர்மணி அபி⁴ப்ரவ்ருத்தஸ்ய அபி ‘நைவ கிஞ்சித் கரோதி ஸ:’ (ப⁴. கீ³. 4 । 20) இதி கர்மாபா⁴வ: ப்ரத³ர்ஶித: । யஸ்ய ஏவம் கர்மாபா⁴வோ த³ர்ஶித: தஸ்யைவ —

க³தஸங்க³ஸ்யேத்யாதி³ஶ்லோகஸ்ய வ்யவஹிதேந ஸம்ப³ந்த⁴ம் வக்தும் வ்ருத்தம் கீர்தயதி -

த்யக்த்வேதி ।

அநேந ஶ்லோகேந ‘நைவ கிஞ்சித் கரோதி ஸ:’ (ப⁴. கீ³. 4-20) இத்யத்ர கர்மாபா⁴வ: ப்ரத³ர்ஶித: இதி ஸப³ந்த⁴: ।

கஸ்ய கர்மாபா⁴வப்ரத³ர்ஶநம் ? இத்யாஶங்க்யாஹ -

ய: ப்ராரப்³தே⁴தி ।

ப்ராரப்³த⁴கர்மா ஸந் யோ(அ)வதிஷ்ட²தே, தஸ்ய கர்மாபா⁴வ: ப்ரத³ர்ஶிதஶ்சேத் விரோத⁴: ஸ்யாத் இத்யாஶங்க்ய, அவஸ்தா²விஶேஷே தத்ப்ரத³ர்ஶநாந்மைவமித்யாஹ -

யதே³தி ।

நநு ஜ்ஞாநவத: க்ரியாகாரகப²லாபா⁴வத³ர்ஶிந: கர்மபரித்யாக³த்⁴ரௌவ்யாத் கர்மாபா⁴வவசநமப்ராப்தப்ரதிஷேத⁴: ஸ்யாத் , இத்யாஶங்க்யாஹ -

ஆத்மந இதி ।

லோகஸங்க்³ரஹாதி³ நிமித்தம் ப்ராகே³வோக்தம் । அவித்³யாவஸ்தா²யாமிவேதி பூர்வவதி³த்யுக்தம் । ஏவம் வ்ருத்தமநூத்³யோத்தரஶ்லோகமவதாரயதி -

யஸ்யேதி ।