யதோ²க்தாநாம் யஜ்ஞாநாம் மத்⁴யே கேநசித³பி யஜ்ஞேந அவிஶேஷிதஸ்ய புருஷஸ்ய ப்ரத்யவாயம் த³ர்ஶயதி -
நாயமிதி ।
கத²ம் யதோ²க்தயஜ்ஞாநுஷ்டா²யிநாம் அவஶிஷ்டேந காலேந விஹிதாந்நபு⁴ஜாம் ப்³ரஹ்மப்ராப்தி: ? இத்யாஶங்க்ய, முமுக்ஷுத்வே ஸதி சித்தஶுத்³தி⁴த்³வாரா, இத்யாஹ - முமுக்ஷவஶ்சேதி³தி । தத்கிமிதா³நீம் ஸாக்ஷாதே³வ மோக்ஷோ விவிக்ஷித: ? ததா²ச க³திஶ்ருதிவிரோத⁴: ஸ்யாத்³ , இத்யாஶங்க்ய, க³திநிர்தே³ஶஸாமர்த்²யாத் க்ரமமுக்தி: அத்ராபி⁴ப்ரேதா, இத்யாஹ -
காலாதீதி ।
த்ருதீயம் பாத³ம் வ்யாசஷ்டே -
நாயமிதி ।
விவக்ஷிதம் கைமுதிகந்யாயமாஹ - குத இதி । ஸாதா⁴ரணலோகாபா⁴வே புநரஸாதா⁴ரணலோகப்ராப்தி: தூ³ரநிரஸ்தா இத்யர்த²: । யதோ²க்தே(அ)ர்தே² பு³த்³தி⁴ஸமாதா⁴நம் குருகுலப்ரதா⁴நஸ்ய அர்ஜுநஸ்ய அநாயாஸலப்⁴யமிதி வக்தும் குருஸத்தம இத்யுக்தம் ॥ 31 ॥