యథోక్తానాం యజ్ఞానాం మధ్యే కేనచిదపి యజ్ఞేన అవిశేషితస్య పురుషస్య ప్రత్యవాయం దర్శయతి -

నాయమితి ।

కథం యథోక్తయజ్ఞానుష్ఠాయినామ్ అవశిష్టేన కాలేన విహితాన్నభుజాం బ్రహ్మప్రాప్తిః ? ఇత్యాశఙ్క్య, ముముక్షుత్వే సతి చిత్తశుద్ధిద్వారా, ఇత్యాహ - ముముక్షవశ్చేదితి । తత్కిమిదానీం సాక్షాదేవ మోక్షో వివిక్షితః ? తథాచ గతిశ్రుతివిరోధః స్యాద్ , ఇత్యాశఙ్క్య, గతినిర్దేశసామర్థ్యాత్ క్రమముక్తిః అత్రాభిప్రేతా, ఇత్యాహ -

కాలాతీతి ।

తృతీయం పాదం వ్యాచష్టే -

నాయమితి ।

వివక్షితం కైముతికన్యాయమాహ - కుత ఇతి । సాధారణలోకాభావే పునరసాధారణలోకప్రాప్తిః దూరనిరస్తా ఇత్యర్థః । యథోక్తేఽర్థే బుద్ధిసమాధానం కురుకులప్రధానస్య అర్జునస్య అనాయాసలభ్యమితి వక్తుం కురుసత్తమ ఇత్యుక్తమ్ ॥ ౩౧ ॥