ஶ்ரீமத்³ப⁴க³வத்³கீ³தாபா⁴ஷ்யம்
பஞ்சமோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
‘ஜ்யாயஸீ சேத்கர்மணஸ்தே’ (ப⁴. கீ³. 3 । 1) இத்யத்ர ஜ்ஞாநகர்மணோ: ஸஹ அஸம்ப⁴வே ‘யச்ச்²ரேய ஏதயோ: தத்³ப்³ரூஹி’ (ப⁴. கீ³. 3 । 2) இத்யேவம் ப்ருஷ்டோ(அ)ர்ஜுநேந ப⁴க³வாந் ஸாங்‍க்²யாநாம் ஸம்ந்யாஸிநாம் ஜ்ஞாநயோகே³ந நிஷ்டா² புந: கர்மயோகே³ந யோகி³நாம் நிஷ்டா² ப்ரோக்தேதி நிர்ணயம் சகார । ‘ந ச ஸம்ந்யஸநாதே³வ கேவலாத் ஸித்³தி⁴ம் ஸமதி⁴க³ச்ச²தி’ (ப⁴. கீ³. 3 । 4) இதி வசநாத் ஜ்ஞாநஸஹிதஸ்ய ஸித்³தி⁴ஸாத⁴நத்வம் இஷ்டம்’ கர்மயோக³ஸ்ய ச, விதா⁴நாத் । ஜ்ஞாநரஹிதஸ்ய ஸம்ந்யாஸ: ஶ்ரேயாந் , கிம் வா கர்மயோக³: ஶ்ரேயாந் ? ’ இதி ஏதயோ: விஶேஷபு³பு⁴த்ஸயா —
‘ஜ்யாயஸீ சேத்கர்மணஸ்தே’ (ப⁴. கீ³. 3 । 1) இத்யத்ர ஜ்ஞாநகர்மணோ: ஸஹ அஸம்ப⁴வே ‘யச்ச்²ரேய ஏதயோ: தத்³ப்³ரூஹி’ (ப⁴. கீ³. 3 । 2) இத்யேவம் ப்ருஷ்டோ(அ)ர்ஜுநேந ப⁴க³வாந் ஸாங்‍க்²யாநாம் ஸம்ந்யாஸிநாம் ஜ்ஞாநயோகே³ந நிஷ்டா² புந: கர்மயோகே³ந யோகி³நாம் நிஷ்டா² ப்ரோக்தேதி நிர்ணயம் சகார । ‘ந ச ஸம்ந்யஸநாதே³வ கேவலாத் ஸித்³தி⁴ம் ஸமதி⁴க³ச்ச²தி’ (ப⁴. கீ³. 3 । 4) இதி வசநாத் ஜ்ஞாநஸஹிதஸ்ய ஸித்³தி⁴ஸாத⁴நத்வம் இஷ்டம்’ கர்மயோக³ஸ்ய ச, விதா⁴நாத் । ஜ்ஞாநரஹிதஸ்ய ஸம்ந்யாஸ: ஶ்ரேயாந் , கிம் வா கர்மயோக³: ஶ்ரேயாந் ? ’ இதி ஏதயோ: விஶேஷபு³பு⁴த்ஸயா —

நநு த்ருதீயே யதோ²க்தப்ரஶ்நஸ்ய ப⁴க³வதா நிர்ணீதத்வாத் நாத்ர ப்ரஶ்நப்ரதிவசநயோ: ஸாவகாஶத்வமித்யாஶங்க்ய, விஸ்தரேண உக்தமேவ ஸம்ப³ந்த⁴ம் புந: ஸங்க்ஷேபதோ த³ர்ஶயதி -

ஜ்யாயஸீ சேதி³தி ।

ஸாங்க்²யயோக³யோர்பி⁴ந்நபுருஷாநுஷ்டே²யத்வேந நிர்ணீதத்வாத் ந புந: ப்ரஶ்நயோக்³யத்வமித்யர்த²: ।

இதோ(அ)பி ந தயோ: ப்ரஶ்நவிஷயத்வம் , இத்யாஹ -

நசேதி ।

ஏவகாரவிஶேஷணாத் ஜ்ஞாநஸஹிஸம்ந்யாஸஸ்ய ஸித்³த⁴ஸாத⁴நத்வம் ப⁴க³வதோ(அ)பி⁴மதம் । ‘சி²த்த்வைநம் ஸம்ஶயம் யோக³மாதிஷ்ட²'(ப⁴.கீ³.4 - 42) இதி ச கர்மயோக³ஸ்ய விதா⁴நாத் தஸ்யாபி ஸித்³த⁴ஸாத⁴நத்வமிஷ்டம் । ததஶ்ச நிர்ணீதத்வாத் ந ப்ரஶ்ந: தத்³விஷய: ஸித்⁴யதீத்யர்த²: ।

கேநாபி⁴ப்ராயேண தர்ஹி ப்ரஶ்ந: ஸ்யாத் ? இத்யாஶங்க்ய, ஜ்ஞாநரஹிதஸம்ந்யாஸாத் கர்மயோக³ஸ்ய ப்ரஶஸ்யதரத்வபு³பு⁴த்ஸயா, இத்யாஹ -

ஜ்ஞாநரஹித இதி ।