వివేకినః తర్హి కథం వదన్తి ? ఇత్యాకాఙ్క్షాయామ్ , ఆహ -

ఎకమితి ।

సంస్వ్యామ్ ఆత్మసమీక్షామ్ అర్హతీతి సాఙ్ఖ్యం - సంన్యాసః, యోగస్తు కర్మయోగః, తావుభావపి । పృథగిత్యస్య అర్థమాహ -

విరుద్ధేతి ।

శాస్త్రార్థవివేకశూన్యత్వం బాలత్వమ్ ।

ఉత్తరార్ధమవతారయితుం భూమికాం కరోతి -

పణ్డితాస్త్వితి ।

జ్ఞానినో యోగినశ్చేతి శేషః ।

ద్వయోః అవిరుద్ధఫలత్వమేవ ప్రశ్నపూర్వకం ప్రకటయతి -

కథమిత్యాదినా ।

ఎకం సాధనమనుష్ఠితవతః ద్వయోరపి ఫలం భవతీతి విరుద్ధమ్ , ఇత్యాశఙ్క్య ఆహ -

ఉభయోరితి ।

సాఙ్ఖ్యయోగయోః సంన్యాసకర్మానుష్ఠానయోః తత్త్వజ్ఞానద్వారా నిఃశ్రేయసఫలత్వాత్ న విరుద్ధఫలత్వశఙ్కా ఇత్యర్థః ।