ಕೇಚಿದೇವ ತಯೋರೇಕಫಲತ್ವಂ ಪಶ್ಯಂತಿ ಇತ್ಯಾಶಙ್ಯ, ತೇಷಾಮೇವ ಸಮ್ಯಗ್ದರ್ಶಿತ್ವಂ, ನೇತರೇಷಾಮ್ , ಇತ್ಯಾಹ -
ಏಕಮಿತಿ ।
ತಿಷ್ಠತ್ಯಸ್ಮಿನ್ , ನ ಚ್ಯವತೇ ಪುನಃ ಇತಿ ವ್ಯುತ್ಪತ್ತಿಮಾಶ್ರಿತ್ಯ ಆಹ -
ಮೋಕ್ಷಾಖ್ಯಮಿತಿ ।
ಯೋಗಶಬ್ದಾರ್ಥಮಾಹ -
ಜ್ಞಾನಪ್ರಾಪ್ತೀತಿ ।
ಯೇ ಹಿ ಜಿಜ್ಞಾಸವಃ ಸರ್ವಾಣಿ ಕರ್ಮಾಣಿ ಭಗವತ್ಪ್ರೀತ್ಯರ್ಥತ್ವೇನ ತೇಷಾಂ ಫಲಾಭಿಲಾಷಮಕೃತ್ವಾ ಜ್ಞಾನಪ್ರಾಪ್ತೌ ಬುದ್ಧಿಶುದ್ಧಿದ್ವಾರೇಣ ಉಪಾಯತ್ವೇನ ಅನುತಿಷ್ಠಂತಿ, ತೇ ಅತ್ರ ಯೋಗಾಃ ವಿವಕ್ಷ್ಯಂತೇ ।
ಅಚ್ಪ್ರತ್ಯಯಸ್ಯ ಮತ್ವರ್ಥತ್ವಂ ಗೃಹೀತ್ವಾ, ಉಕ್ತಂ -
ಯೋಗಿನ ಇತಿ ।
ಸರ್ವೋಽಪಿ ದ್ವೈತಪ್ರಪಂಚೋ ನ ವಸ್ತುಭೂತಃ, ಮಾಯಾವಿಲಾಸತ್ವಾತ್ , ಆತ್ಮಾ ತು, ಅವಿಕ್ರಿಯೋ ಅದ್ವಿತೀಯೋ ವಸ್ತುಸನ್ ಇತಿ ಪ್ರಯೋಜಕಜ್ಞಾನಂ ಪರಮಾರ್ಥಜ್ಞಾನಂ, ತತ್ಪೂರ್ವಕಸಂನ್ಯಾಸದ್ವಾರೇಣ ಕರ್ಮಿಭಿರಪಿ ತದೇವ ಸ್ಥಾನಂ ಪ್ರಾಪ್ಯಾಮ್ , ಇತ್ಯೇಕಫಲತ್ವಂ ಸಂನ್ಯಾಸಕರ್ಮಯೋಗಯೋಃ ಅವಿರುದ್ಧಂ, ಇತ್ಯಾಹ -
ತೈರಪೀತಿ ।
ಫಲೈಕತ್ವೇ ಫಲಿತಮಾಹ -
ಅತ ಇತಿ
॥ ೫ ॥