ఆదరనైరన్తర్యదీర్ఘకాలత్వం విశేషణత్రయం యోగస్య సూచయతి -

సతతమితి ।

తస్యైవ పఞ్చ అఙ్గాని ఉపన్యస్యతి -

రహసి ఇత్యాదినా ।

సర్వదా ఇతి ఆదరదీర్ధకాలయోః ఉపలక్షణమ్ ।

ప్రత్యగాత్మానం వ్యావర్తయతి -

అన్తఃకరణమితి ।

గిరిగుహాదౌ ఇతి ఆదిశబ్దేన యోగప్రతిబన్ధకదుర్జనాదివిధురో దేశో గృహ్యతే ।

విశేషణద్వయస్య తాత్పర్యమ్ ఆహ -

రహసీతి ।

యోగం యుఞ్జానస్య సంన్యాసినో విశేషణాన్తరాణి దర్శయతి -

యతేతి ।

సతి సంన్యాసిత్వే కిమితి అపరిగ్రహగ్రహణమ్ ? అర్థపునరుక్తేః, ఇత్యాశఙ్క్య కౌపీనాచ్ఛాదనాదిష్వపి సక్తినివృత్త్యర్థమ్ , ఇత్యాహ -

సంన్యాసిత్వేఽపీతి

॥ ౧౦ ॥