యోగం యోగాఙ్గని చ ఉపదిశ్య ఉత్తరసన్దర్భస్య తాత్పర్యమ్ ఆహ -
అథేతి ।
యోగస్వరూపకతిపయతదఙ్గప్రదర్శనానన్తర్యమ్ అథశబ్దార్థః ।
విహారాదీనామ్ ఇతి ఆదిశబ్దేన యథోక్తాఽఽసనాదిగతావాన్తరభేదగ్రహణమ్ । తత్ఫలాది చ ఇతి ఆదిశబ్దేన యోగఫలసమ్యగ్జ్ఞానం చ తత్ఫలం కైవల్యం తతో భ్రష్టస్య ఆత్యన్తికావినష్టత్వమ్ ఇత్యాది గృహ్యతే । ఎవం సముదాయతాత్పర్యే దర్శితే, కిం ఆసీనః శయానః తిష్ఠన్ గచ్ఛన్ కుర్వన్ వా యుఞ్జీత ? ఇత్యపేక్షాయామ్ , అనన్తరశ్లోకతాత్పర్యమ్ ఆహ -
తత్రేతి ।
నిర్ధారణే సప్తమీ । ప్రథమమ్ యోగానుష్ఠానస్య ప్రధానమ్ , ‘ఆసీనః సమ్భవాత్’ (బ్ర.సూ. ౪-౧-౭) ఇతి న్యాయాత్ , ఇతి యావత్ ।