విశేషేణ సంయతత్వమేవ సఙ్క్షిపతి -

ఎకాగ్రతామితి ।

ఆత్మన్యేవ ఇతి ఎవకారార్థం కథయతి -

హిత్వేతి ।

కేవలత్వమ్ - అద్వితీయత్వమ్ । తస్య ఆత్మస్థితిం వివృణోతి -

స్వాత్మనీతి ।

చిత్తస్య హి కల్పితస్య ఆత్మైవ తత్త్వమ్ । తత్పునః అన్యతః సర్వతో నివారితమ్ అధిష్ఠానే నిమగ్నం తిష్ఠతి, ఇతి భావః ।

తస్యామ్ అవస్థాయాం సర్వేభ్యో విషయేభ్యో వ్యావృత్తతృష్ణో యుక్తో వ్యవహ్రియతే, ఇత్యాహ -

నిఃస్పృహ ఇతి

॥ ౧౮ ॥