अद्वैतशारदा | दक्षिणाम्नाय श्रीशारदापीठम्, शृङ्गेरी

యదా దీపో నివాతస్థో నేఙ్గతే సోపమా స్మృతా ।
యోగినో యతచిత్తస్య యుఞ్జతో యోగమాత్మనః ॥ ౧౯ ॥

యథా దీపః ప్రదీపః నివాతస్థః నివాతే వాతవర్జితే దేశే స్థితః న ఇఙ్గతే న చలతి, సా ఉపమా ఉపమీయతే అనయా ఇత్యుపమా యోగజ్ఞైః చిత్తప్రచారదర్శిభిః స్మృతా చిన్తితా యోగినో యతచిత్తస్య సంయతాన్తఃకరణస్య యుఞ్జతో యోగమ్ అనుతిష్ఠతః ఆత్మనః సమాధిమనుతిష్ఠత ఇత్యర్థః ॥ ౧౯ ॥

ఉపమీయత ఇతి ;

ఉపమా - యోగినః చిత్తస్థైర్యస్య ఉదాహరణమ్ , ఇత్యర్థః । ఉపమాశబ్దస్య ప్రదీపవిషయత్వసిద్ధ్యర్థం కరణవ్యుత్పత్తిం దర్శయతి -

ఉపమీయత ఇతి ।

యోగినః - యథోక్తవిశేషణవతః చిత్తస్థైర్యస్య, ఇతి శేషః

॥ ౧౯ ॥