కామత్యాగద్వారేణ ఇన్ద్రియాణి ప్రత్యాహృత్య కిం కుర్యాదితి శఙ్కితారం ప్రతి ఆహ -
శనైః శనైరితి ।
సహసా విషయేభ్యః సకాశాత్ ఉపరమే మనసో న స్వాస్థ్యం సమ్భవతి, ఇత్యభిప్రేత్య, ఆహ -
న సహసేతి ।
తత్ర సాధనం ధైర్యయుక్తా బుద్ధిః, ఇత్యాహ -
కయేత్యాదినా ।
భూమ్యాదీః అవ్యాకృతపర్యన్తాః ప్రకృతీః అష్ట పూర్వత్ర పూర్వత్ర ధారణం కృత్వా ఉత్తరోత్తరక్రమేణ ప్రవిలాపయేత్ , ఇతి భావః ।
అవ్యక్తమ్ ఆత్మని ప్రవిలాప్య, ఆత్మమాత్రనిష్ఠం మనో విధాయ, చిన్తయితవ్యాభావాత్ అతిస్వస్థో భవేత్ , ఇత్యాహ -
ఆత్మేతి ।
తత్ర సంస్థితిమేవ మనసో వివృణోతి -
ఆత్మైవేతి ।
యోగవిధిమ్ ఉపక్రమ్య, కిమిదమ్ ఉక్తమ్ ? ఇత్యాశఙ్క్య, ఆహ -
ఎష ఇతి ।
యత్ మనసో నైశ్చల్యమ్ , ఇతి శేషః
॥ ౨౫ ॥