ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷಷ್ಠೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಪ್ರಾಪ್ಯ ಪುಣ್ಯಕೃತಾಂ ಲೋಕಾನುಷಿತ್ವಾ ಶಾಶ್ವತೀಃ ಸಮಾಃ ।
ಶುಚೀನಾಂ ಶ್ರೀಮತಾಂ ಗೇಹೇ ಯೋಗಭ್ರಷ್ಟೋಽಭಿಜಾಯತೇ ॥ ೪೧ ॥
ಯೋಗಮಾರ್ಗೇ ಪ್ರವೃತ್ತಃ ಸಂನ್ಯಾಸೀ ಸಾಮರ್ಥ್ಯಾತ್ ಪ್ರಾಪ್ಯ ಗತ್ವಾ ಪುಣ್ಯಕೃತಾಮ್ ಅಶ್ವಮೇಧಾದಿಯಾಜಿನಾಂ ಲೋಕಾನ್ , ತತ್ರ ಚ ಉಷಿತ್ವಾ ವಾಸಮನುಭೂಯ ಶಾಶ್ವತೀಃ ನಿತ್ಯಾಃ ಸಮಾಃ ಸಂವತ್ಸರಾನ್ , ತದ್ಭೋಗಕ್ಷಯೇ ಶುಚೀನಾಂ ಯಥೋಕ್ತಕಾರಿಣಾಂ ಶ್ರೀಮತಾಂ ವಿಭೂತಿಮತಾಂ ಗೇಹೇ ಗೃಹೇ ಯೋಗಭ್ರಷ್ಟಃ ಅಭಿಜಾಯತೇ ॥ ೪೧ ॥
ಪ್ರಾಪ್ಯ ಪುಣ್ಯಕೃತಾಂ ಲೋಕಾನುಷಿತ್ವಾ ಶಾಶ್ವತೀಃ ಸಮಾಃ ।
ಶುಚೀನಾಂ ಶ್ರೀಮತಾಂ ಗೇಹೇ ಯೋಗಭ್ರಷ್ಟೋಽಭಿಜಾಯತೇ ॥ ೪೧ ॥
ಯೋಗಮಾರ್ಗೇ ಪ್ರವೃತ್ತಃ ಸಂನ್ಯಾಸೀ ಸಾಮರ್ಥ್ಯಾತ್ ಪ್ರಾಪ್ಯ ಗತ್ವಾ ಪುಣ್ಯಕೃತಾಮ್ ಅಶ್ವಮೇಧಾದಿಯಾಜಿನಾಂ ಲೋಕಾನ್ , ತತ್ರ ಚ ಉಷಿತ್ವಾ ವಾಸಮನುಭೂಯ ಶಾಶ್ವತೀಃ ನಿತ್ಯಾಃ ಸಮಾಃ ಸಂವತ್ಸರಾನ್ , ತದ್ಭೋಗಕ್ಷಯೇ ಶುಚೀನಾಂ ಯಥೋಕ್ತಕಾರಿಣಾಂ ಶ್ರೀಮತಾಂ ವಿಭೂತಿಮತಾಂ ಗೇಹೇ ಗೃಹೇ ಯೋಗಭ್ರಷ್ಟಃ ಅಭಿಜಾಯತೇ ॥ ೪೧ ॥

ತತ್ರ ಶ್ಲೋಕೇನ ಉತ್ತರಮ್ ಆಹ -

ಪ್ರಾಪ್ಯೇತಿ ।

ಕಥಂ ಸಂನ್ಯಾಸೀ ಇತಿ ವಿಶೇಷ್ಯತೇ ? ತತ್ತ್ರ ಆಹ -

ಸಾಮರ್ಥ್ಯಾದಿತಿ ।

ಕರ್ಮಣಿ ವ್ಯಾಪೃತಸ್ಯ ಕರ್ಮಿಣೋ ಯೋಗಮಾರ್ಗಪ್ರವೃತ್ತ್ಯನುಪಪತ್ತೇಃ, ತತ್ಪ್ರವೃತ್ತಾವಪಿ ಫಲಾಭಿಲಾಷವಿಕಲಸ್ಯ ಈಶ್ವರೇ ಸಮರ್ಪಿತಸರ್ವಕರ್ಮಣಃ ತದ್ಭ್ರಂಶಾಶಂಕಾನವಕಾಶಾತ್ , ಇತ್ಯರ್ಥಃ । ಸಮಾನಾಂ ನಿತ್ಯತ್ವಂ ಮಾನುಷಸಮಾವಿಲಕ್ಷಣತ್ವಮ್ । ವೈರಾಗ್ಯಾಭಾವವಿವಕ್ಷಯಾ ವಿಭೂತಿಮತಾಂ ಗೃಹೇ ಜನ್ಮ, ಇತಿ ವಿಶಿಷ್ಯತೇ

॥ ೪೧ ॥