ಕಾಮಫಲಸ್ಯ ವಿನಾಶಿತ್ವೇ ಕಿಮಿತಿ ಕಾಮನಿಷ್ಠತ್ವಂ ಜಂತೂನಾಮ್ ? ಇತ್ಯಾಶಂಕ್ಯ, ಪ್ರಜ್ಞಾಮಾಂದ್ಯಾದಿತ್ಯಾಹ -

ಅಲ್ಪೇತಿ ।

ಕಿಂ ತರ್ಹಿ ಸಾಧನಮ್ ಅನಂತಫಲಾಯ ಇತ್ಯಾಶಂಕ್ಯ, ಭಗವದ್ಭಕ್ತಿರಿತ್ಯಾಹ -

ಮದ್ಭಕ್ತಾ ಇತಿ ।

ಅಕ್ಷರಾರ್ಥಮ್ ಉಕ್ತ್ವಾ ಶ್ಲೋಕಸ್ಯ ತಾತ್ಪರ್ಯಾರ್ಥಮಾಹ -

ಏವಮಿತಿ ।

ದೇವತಾಪ್ರಾಪ್ತೌ ಚೇತಿ ಶೇಷಃ ।

ಮಾಮೇವ ಇತ್ಯಾದೌ ದೇವತಾವಿಶೇಷಂ ಪ್ರಪದ್ಯಂತೇ ಅಂತವತ್ಫಲಾಯ ಇತಿ ವಕ್ತವ್ಯಮ್ । ಉಕ್ತವೈಪರೀತ್ಯೇ ಕಾರಣಮ್ ಅವಿವೇಕಾತಿರಿಕ್ತಂ ನಾಸ್ತಿ ಇತ್ಯಭಿಪ್ರೇತ್ಯ ಆಹ -

ಅಹೋ ಖಲ್ವಿತಿ

॥ ೨೩ ॥