ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನಾಹಂ ಪ್ರಕಾಶಃ ಸರ್ವಸ್ಯ ಯೋಗಮಾಯಾಸಮಾವೃತಃ ।
ಮೂಢೋಽಯಂ ನಾಭಿಜಾನಾತಿ ಲೋಕೋ ಮಾಮಜಮವ್ಯಯಮ್ ॥ ೨೫ ॥
ನ ಅಹಂ ಪ್ರಕಾಶಃ ಸರ್ವಸ್ಯ ಲೋಕಸ್ಯ, ಕೇಷಾಂಚಿದೇವ ಮದ್ಭಕ್ತಾನಾಂ ಪ್ರಕಾಶಃ ಅಹಮಿತ್ಯಭಿಪ್ರಾಯಃ । ಯೋಗಮಾಯಾಸಮಾವೃತಃ ಯೋಗಃ ಗುಣಾನಾಂ ಯುಕ್ತಿಃ ಘಟನಂ ಸೈವ ಮಾಯಾ ಯೋಗಮಾಯಾ, ತಯಾ ಯೋಗಮಾಯಯಾ ಸಮಾವೃತಃ, ಸಂಛನ್ನಃ ಇತ್ಯರ್ಥಃ । ಅತ ಏವ ಮೂಢೋ ಲೋಕಃ ಅಯಂ ನ ಅಭಿಜಾನಾತಿ ಮಾಮ್ ಅಜಮ್ ಅವ್ಯಯಮ್ ॥
ನಾಹಂ ಪ್ರಕಾಶಃ ಸರ್ವಸ್ಯ ಯೋಗಮಾಯಾಸಮಾವೃತಃ ।
ಮೂಢೋಽಯಂ ನಾಭಿಜಾನಾತಿ ಲೋಕೋ ಮಾಮಜಮವ್ಯಯಮ್ ॥ ೨೫ ॥
ನ ಅಹಂ ಪ್ರಕಾಶಃ ಸರ್ವಸ್ಯ ಲೋಕಸ್ಯ, ಕೇಷಾಂಚಿದೇವ ಮದ್ಭಕ್ತಾನಾಂ ಪ್ರಕಾಶಃ ಅಹಮಿತ್ಯಭಿಪ್ರಾಯಃ । ಯೋಗಮಾಯಾಸಮಾವೃತಃ ಯೋಗಃ ಗುಣಾನಾಂ ಯುಕ್ತಿಃ ಘಟನಂ ಸೈವ ಮಾಯಾ ಯೋಗಮಾಯಾ, ತಯಾ ಯೋಗಮಾಯಯಾ ಸಮಾವೃತಃ, ಸಂಛನ್ನಃ ಇತ್ಯರ್ಥಃ । ಅತ ಏವ ಮೂಢೋ ಲೋಕಃ ಅಯಂ ನ ಅಭಿಜಾನಾತಿ ಮಾಮ್ ಅಜಮ್ ಅವ್ಯಯಮ್ ॥

‘ತ್ರಿಭಿರ್ಗುಣಮಯೈಃ’ ಇತಿ ಅನೌಪಾಧಿಕರೂಪಸ್ಯ ಅಪ್ರತಿಪತ್ತೌ ಕಾರಣಮ್ ಉಕ್ತಮ್ , ಅತ್ರ ತು ಸೋಪಾಧಿಕಸ್ಯಾಪಿ, ಇತಿ ವಿಶೇಷಂ ಗೃಹೀತ್ವಾ ವ್ಯಾಚಷ್ಟೇ -

ನಾಹಮಿತಿ ।

ತರ್ಹಿ ಭಗವದ್ಭಕ್ತಿಃ ಅನುಪಯುಕ್ತಾ, ಇತ್ಯಾಶಂಕ್ಯ, ಆಹ -

ಕೇಷಾಂಚಿದಿತಿ ।

ಸರ್ವಸ್ಯ ಲೋಕಸ್ಯ ನ ಪ್ರಕಾಶೋಽಹಮ್ , ಇತ್ಯತ್ರ ಹೇತುಮ್ ಆಹ -

ಯೋಗೇತಿ ।

ಅನಾದ್ಯನಿರ್ವಾಚ್ಯಾಜ್ಞಾನಾಚ್ಛನ್ನತ್ವಾದೇವ ಮದ್ವಿಷಯೇ ಲೋಕಸ್ಯ ಮೌಢ್ಯಮ್ , ತತಶ್ಚ ಮದೀಯಸ್ವರೂಪವಿವೇಕಾಭಾವಾತ್ ಮನ್ನಿಷ್ಠತ್ವರಾಹಿತ್ಯಮ್ ,  ಇತ್ಯಾಹ-

ಅತ ಏವೇತಿ