ಯದಿ ಸರ್ವಾಣಿ ಭೂತಾನಿ ಜನ್ಮ ಪ್ರತಿಪದ್ಯಮಾನಾನಿ ಸಂಮೂಢಾನಿ ಸಂತಿ ಭಗವತ್ತತ್ತ್ವಪರಿಜ್ಞಾನಶೂನ್ಯಾನಿ ಭಗವದ್ಭಜನಪರಾಙ್ಮುಖಾನಿ, ತರ್ಹಿ ಶಾಸ್ತ್ರಾನುರೋಧೇನ ಭಗವದ್ಭಜನಮ್ ಉಚ್ಯಮಾನಮ್ ಅಧಿಕಾರ್ಯಭಾವಾತ್ ಅನರ್ಥಕಮ್ ಆಪದ್ಯೇತ, ಇತಿ ಶಂಕತೇ -

ಕೇ ಪುನರಿತಿ ।

ಅನೇಕೇಷು ಜನ್ಮಸು ಸುಕೃತವಶಾತ್ ಅಪಾಕೃತದುರಿತಾನಾಂ ದ್ವಂದ್ವಪ್ರಯುಕ್ತಮೋಹವಿರಹಿಣಾಂ ಬ್ರಹ್ಮಚರ್ಯಾದಿನಿಯಮವತಾಂ ಭಗವದ್ಭಜನಾಧಿಕಾರಿತ್ವಾತ್ ನ ಶಾಸ್ತ್ರವಿರೋಧೋಽಸ್ತಿ, ಇತಿ ಪರಿಹರತಿ -

ಉಚ್ಯತ ಇತಿ ।