సమ్ప్రతి సగుణస్య సప్రపఞ్చస్య మధ్యమానుగ్రహార్థం ధ్యేయత్వమ్ ఆహ -

మామాశ్రిత్యేతి ।

జరాదిసంసారనివృత్త్యర్థం నిర్గుణం నిష్ప్రపఞ్చం మామ్ ఉత్తమాధికారిణో జానన్తి ఇత్యుక్తమ్ ‘మామేవ యే ప్రపద్యన్తే’ (భ. గీ. ౭-౧౪) ఇత్యాదౌ, ఇత్యాహ -

జరేతి ।

మధ్యమాధికారిణః ప్రతి ఆహ -

మామేతి ।

పరమేశ్వరాశ్రయణం నామ విషయవిముఖత్వేన భగవదేకనిష్ఠత్వమ్ , ఇత్యాహ -

మత్సమాహితేతి ।

ప్రయతనం భవనన్నిష్ఠాసిద్ధ్యర్థం బహిరఙ్గాణాం యజ్ఞాదీనామ్ , అన్తరఙ్గాణాఞ్చ శ్రవణాదీనామ్ అనుష్ఠానమ్ ।

ప్రాగుక్తం జగదుపాదానం పరం బ్రహ్మ । కథం బ్రహ్మ విదుః ? ఇత్యపేక్షాయామ్ , సమస్తాధ్యాత్మవస్తుత్వేన సకలకర్మత్వేన చ తద్విదుః ఇత్యాహ -

కృత్స్నమితి

॥ ౨౯ ॥