ஶ்ரீமத்³ப⁴க³வத்³கீ³தாபா⁴ஷ்யம்
அஷ்டமோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
ஸர்வத்³வாராணி ஸம்யம்ய மநோ ஹ்ருதி³ நிருத்⁴ய ச ।
மூர்த்⁴ந்யாதா⁴யாத்மந: ப்ராணமாஸ்தி²தோ யோக³தா⁴ரணாம் ॥ 12 ॥
ஸர்வத்³வாராணி ஸர்வாணி ச தாநி த்³வாராணி ச ஸர்வத்³வாராணி உபலப்³தௌ⁴, தாநி ஸர்வாணி ஸம்யம்ய ஸம்யமநம் க்ருத்வா மந: ஹ்ருதி³ ஹ்ருத³யபுண்ட³ரீகே நிருத்⁴ய நிரோத⁴ம் க்ருத்வா நிஷ்ப்ரசாரமாபாத்³ய, தத்ர வஶீக்ருதேந மநஸா ஹ்ருத³யாத் ஊர்த்⁴வகா³மிந்யா நாட்³யா ஊர்த்⁴வமாருஹ்ய மூர்த்⁴நி ஆதா⁴ய ஆத்மந: ப்ராணம் ஆஸ்தி²த: ப்ரவ்ருத்த: யோக³தா⁴ரணாம் தா⁴ரயிதும் ॥ 12 ॥
ஸர்வத்³வாராணி ஸம்யம்ய மநோ ஹ்ருதி³ நிருத்⁴ய ச ।
மூர்த்⁴ந்யாதா⁴யாத்மந: ப்ராணமாஸ்தி²தோ யோக³தா⁴ரணாம் ॥ 12 ॥
ஸர்வத்³வாராணி ஸர்வாணி ச தாநி த்³வாராணி ச ஸர்வத்³வாராணி உபலப்³தௌ⁴, தாநி ஸர்வாணி ஸம்யம்ய ஸம்யமநம் க்ருத்வா மந: ஹ்ருதி³ ஹ்ருத³யபுண்ட³ரீகே நிருத்⁴ய நிரோத⁴ம் க்ருத்வா நிஷ்ப்ரசாரமாபாத்³ய, தத்ர வஶீக்ருதேந மநஸா ஹ்ருத³யாத் ஊர்த்⁴வகா³மிந்யா நாட்³யா ஊர்த்⁴வமாருஹ்ய மூர்த்⁴நி ஆதா⁴ய ஆத்மந: ப்ராணம் ஆஸ்தி²த: ப்ரவ்ருத்த: யோக³தா⁴ரணாம் தா⁴ரயிதும் ॥ 12 ॥

ஶ்ரோத்ராதீ³நாம் குத்ர த்³வாரத்வம் ? தத்ர ஆஹ -

உபலப்³தா⁴விதி ।

தேஷாம் ஸம்யமநம் - விஷயேஷு ப்ரவ்ருத்தாநாம் தோ³ஷத³ர்ஶநத்³வாரா தேப்⁴யோ வைமுக்²யாபாத³நம் ।

கோ(அ)யம் மநஸோ ஹ்ருத³யே நிரோத⁴: ? தத்ர ஆஹ -

நிஷ்ப்ரசாரமிதி ।

மநஸோ விஷயாகாரவ்ருத்திம் நிருத்⁴ய ஹ்ருதி³ வஶீக்ருதஸ்ய காயம் த³ர்ஶயதி -

தத்ரேதி ।

‘ஊர்த்⁴வம் ‘ இத்யத்ராபி ஹ்ருத³யாத் இதி ஸம்ப³த்⁴யதே । ஸர்வாணி உபலப்³தி⁴த்³வாராணி ஶ்ரோத்ராதீ³நி ஸந்நிருத்⁴ய, வாயுமபி ஸர்வதோ நிக்³ருஹ்ய ஹ்ருத³யம் ஆநீய,ததோ நிர்க³தயா ஸுஷும்நயா கண்ட²ப்⁴ரூமத்⁴யலலாடக்ரமேண ப்ராணம் மூர்த⁴நி ஆதா⁴ய யோக³தா⁴ரணாம் ஆரூடோ⁴ப்³ரஹ்ம வ்யாஹரந் , மாம் ச தத³ர்த²ம் அநுஸ்மரந் , பரமாம் க³திம் யாதி, இதி ஸம்ப³ந்த⁴:

॥ 12 ॥