अद्वैतशारदा | दक्षिणाम्नाय श्रीशारदापीठम्, शृङ्गेरी

అనన్యచేతాః సతతం యో మాం స్మరతి నిత్యశః ।
తస్యాహం సులభః పార్థ నిత్యయుక్తస్య యోగినః ॥ ౧౪ ॥

అనన్యచేతాః న అన్యవిషయే చేతః యస్య సోఽయమ్ అనన్యచేతాః, యోగీ సతతం సర్వదా యః మాం పరమేశ్వరం స్మరతి నిత్యశః । సతతమ్ ఇతి నైరన్తర్యమ్ ఉచ్యతే, నిత్యశః ఇతి దీర్ఘకాలత్వమ్ ఉచ్యతే । న షణ్మాసం సంవత్సరం వా ; కిం తర్హి ? యావజ్జీవం నైరన్తర్యేణ యః మాం స్మరతీత్యర్థః । తస్య యోగినః అహం సులభః సుఖేన లభ్యః హే పార్థ, నిత్యయుక్తస్య సదా సమాహితచిత్తస్య యోగినః । యతః ఎవమ్ , అతః అనన్యచేతాః సన్ మయి సదా సమాహితః భవేత్ ॥ ౧౪ ॥

సతతమిత్యాదినా ; నేత్యాదినా ; యత ఇతి ;

సతతమ్ , నిత్యశ ఇతి విశేషణయోః అపునరుక్తత్వమ్ ఆహ -

సతతమిత్యాదినా ।

ఉక్తమేవ అపౌనరూక్త్యం వ్యక్తీకరోతి -

నేత్యాదినా ।

జితాసుః ఇచ్ఛయా దేహం త్యజతి, తదితరస్తు కర్మక్షయేణైవ ఇతి విశేషం వివక్షయన్ ఆహ-

యత ఇతి ।

అనన్యచేతసమ్ - సమాహితచేతసం ప్రతి, ఈశ్వరస్య సౌలభ్యమ్ఎవమిత్యుచ్యతే

॥ ౧౪ ॥