अद्वैतशारदा | दक्षिणाम्नाय श्रीशारदापीठम्, शृङ्गेरी

మాముపేత్య పునర్జన్మ దుఃఖాలయమశాశ్వతమ్ ।
నాప్నువన్తి మహాత్మానః సంసిద్ధిం పరమాం గతాః ॥ ౧౫ ॥

మామ్ ఉపేత్య మామ్ ఈశ్వరమ్ ఉపేత్య మద్భావమాపద్య పునర్జన్మ పునరుత్పత్తిం నాప్నువన్తి న ప్రాప్నువన్తి । కింవిశిష్టం పునర్జన్మ న ప్రాప్నువన్తి ఇతి, తద్విశేషణమాహ — దుఃఖాలయం దుఃఖానామ్ ఆధ్యాత్మికాదీనాం ఆలయమ్ ఆశ్రయమ్ ఆలీయన్తే యస్మిన్ దుఃఖాని ఇతి దుఃఖాలయం జన్మ । న కేవలం దుఃఖాలయమ్ , అశాశ్వతమ్ అనవస్థితస్వరూపం చ । నాప్నువన్తి ఈదృశం పునర్జన్మ మహాత్మానః యతయః సంసిద్ధిం మోక్షాఖ్యాం పరమాం ప్రకృష్టాం గతాః ప్రాప్తాః । యే పునః మాం న ప్రాప్నువన్తి తే పునః ఆవర్తన్తే ॥ ౧౫ ॥

మద్భావమితి ; కిమిత్యాదినా ; యే పునరితి ;

ఈశ్వరోపగమనం న సామీప్యమాత్రమ్ , ఇతి వ్యాచష్టే -

మద్భావమితి ।

పునర్జన్మనః అనిష్టత్వం ప్రశ్నద్వారా స్పష్టయతి -

కిమిత్యాదినా ।

మహాత్మత్వమ్ - ప్రకృష్టసత్వవైశిష్ట్యమ్ । యతయః తస్మిన్నేవ ఈశ్వరే సముత్పన్నసమ్యగ్దర్శినో భూత్వా, ఇతి శేషః ।

భగవన్తమ్ ఉపగతానామ్ అపునరావృ్త్తౌ, తతో విముఖానామ్ అనుపజాతసమ్యగ్ధియాం పునరావృత్తిః అర్థసిద్ధా, ఇత్యాహ -

యే పునరితి

॥ ౧౫ ॥