ಪರಶಬ್ದಸ್ಯ ವ್ಯತಿರಿಕ್ತವಿಷಯತ್ವೇ ತುಶಬ್ದೇನ ವೈಲಕ್ಷಣ್ಯಮ್ ಉಕ್ತ್ವಾ ಪುನಃ ಅನ್ಯಶಬ್ದಪ್ರಯೋಗಾತ್ ಪೌನರುಕ್ತ್ಯಮ್ , ಇತ್ಯಾಶಂಕ್ಯ, ಆಹ -
ವ್ಯತಿರಿಕ್ತತ್ವ ಇತಿ ।
ತುನಾದ್ಯೋತಿತಂ ವೈಲಕ್ಷಣ್ಯಮ್ ಅನ್ಯಶಬ್ದೇನ ಪ್ರಕಟಿತಮ್ । ಯತೋ ಭಿನ್ನೇಷ್ವಪಿ ಭಾವಭೇದೇಷು ಸಾಲಕ್ಷಣ್ಯಮ್ ಆಲಕ್ಷ್ಯತೇ, ತತಶ್ಚ ಅವ್ಯಕ್ತಾತ್ ಭಿನ್ನತ್ವೇಽಪಿ ಬ್ರಹ್ಮಣಃ ತೇನ ಸಾದೃಶ್ಯಮ್ ಆಶಂಕ್ಯತೇ, ತನ್ನಿವೃತ್ತ್ಯರ್ಥಮ್ ಅನ್ಯಪದಮ್ , ಇತ್ಯರ್ಥಃ । ಯದ್ವಾ ಪರಶಬ್ದಸ್ಯ ಪ್ರಕೃಷ್ಟವಾಚಿನೋ ಭಾವವಿಶೇಷಣಾರ್ಥತ್ವೇ ಪುನರುಕ್ತಿಶಂಕೈವ ನಾಸ್ತಿ, ಇತಿ ದ್ರಷ್ಟವ್ಯಮ್ ।
ಅನಾದಿಭಾವಸ್ಯ ಅಕ್ಷರಸ್ಯ ಅವಿನಾಶಿತ್ವಾಮ್ ಅರ್ಥಸಿದ್ಧಂ ಸಮರ್ಥಯತೇ -
ಯಃ ಸ ಭಾವ ಇತಿ ।
ಸರ್ವಂ ಹಿ ವಿನಶ್ಯದ್ವಿಕಾರಜಾತಂ ಪುರುಷಾಂತಂ ವಿನಶ್ಯತಿ, ಸ ತು ವಿನಾಶಹೇತ್ವಭಾವಾನ್ನ ವಿನಷ್ಟಮ್ ಅರ್ಹತಿ, ಇತ್ಯರ್ಥಃ
॥ ೨೦ ॥