పరశబ్దస్య వ్యతిరిక్తవిషయత్వే తుశబ్దేన వైలక్షణ్యమ్ ఉక్త్వా పునః అన్యశబ్దప్రయోగాత్ పౌనరుక్త్యమ్ , ఇత్యాశఙ్క్య, ఆహ -
వ్యతిరిక్తత్వ ఇతి ।
తునాద్యోతితం వైలక్షణ్యమ్ అన్యశబ్దేన ప్రకటితమ్ । యతో భిన్నేష్వపి భావభేదేషు సాలక్షణ్యమ్ ఆలక్ష్యతే, తతశ్చ అవ్యక్తాత్ భిన్నత్వేఽపి బ్రహ్మణః తేన సాదృశ్యమ్ ఆశఙ్క్యతే, తన్నివృత్త్యర్థమ్ అన్యపదమ్ , ఇత్యర్థః । యద్వా పరశబ్దస్య ప్రకృష్టవాచినో భావవిశేషణార్థత్వే పునరుక్తిశఙ్కైవ నాస్తి, ఇతి ద్రష్టవ్యమ్ ।
అనాదిభావస్య అక్షరస్య అవినాశిత్వామ్ అర్థసిద్ధం సమర్థయతే -
యః స భావ ఇతి ।
సర్వం హి వినశ్యద్వికారజాతం పురుషాన్తం వినశ్యతి, స తు వినాశహేత్వభావాన్న వినష్టమ్ అర్హతి, ఇత్యర్థః
॥ ౨౦ ॥