యథోక్తే అవ్యక్తే భావే శ్రుతిసంమతిమ్ ఆహ -

అవ్యక్త ఇతి ।

తస్య పరమగతిత్వం సాధయతి-

యం ప్రప్యేతి ।

యోఽసౌ అవ్యక్తో భావోఽత్ర దర్శితః, సః ‘యేనాక్షరం పురుషం వేద సత్యమ్ ‘ (ము.ఉ. ౧-౨-౧౩) ఇత్యాదిశ్రుతౌ అక్షర ఇత్యుక్తః । తం చాక్షరం భావమ్ , పరమాం గతిమ్ , ‘పురుషాన్న పరం కిఞ్చిత్ సా కాష్ఠా సా పరా గతిః’ (క. ఉ. ౧-౩-౧౧) ఇత్యాద్యాః శ్రుతయో వదన్తి, ఇత్యాహ -

యోఽసావితి ।

పరమపురుషస్య పరమగతిత్వమ్ ఉక్తం వ్యనక్తి -

యం భావమితి ।

‘తద్విష్ణోః పరమం పదమ్’ (క. ఉ. ౧-౩-౯) ఇతి శ్రుతిమ్ అత్ర సంవాదయతి -

తద్ధామేతి

॥ ౨౧ ॥