ಶ್ರೀಮದ್ಭಗವದ್ಗೀತಾಭಾಷ್ಯಮ್
ಅಷ್ಟಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನೈತೇ ಸೃತೀ ಪಾರ್ಥ ಜಾನನ್ಯೋಗೀ ಮುಹ್ಯತಿ ಕಶ್ಚನ ।
ತಸ್ಮಾತ್ಸರ್ವೇಷು ಕಾಲೇಷು ಯೋಗಯುಕ್ತೋ ಭವಾರ್ಜುನ ॥ ೨೭ ॥
ನ ಏತೇ ಯಥೋಕ್ತೇ ಸೃತೀ ಮಾರ್ಗೌ ಪಾರ್ಥ ಜಾನನ್ ಸಂಸಾರಾಯ ಏಕಾ, ಅನ್ಯಾ ಮೋಕ್ಷಾಯ ಇತಿ, ಯೋಗೀ ನ ಮುಹ್ಯತಿ ಕಶ್ಚನ ಕಶ್ಚಿದಪಿ । ತಸ್ಮಾತ್ ಸರ್ವೇಷು ಕಾಲೇಷು ಯೋಗಯುಕ್ತಃ ಸಮಾಹಿತೋ ಭವ ಅರ್ಜುನ ॥ ೨೭ ॥
ನೈತೇ ಸೃತೀ ಪಾರ್ಥ ಜಾನನ್ಯೋಗೀ ಮುಹ್ಯತಿ ಕಶ್ಚನ ।
ತಸ್ಮಾತ್ಸರ್ವೇಷು ಕಾಲೇಷು ಯೋಗಯುಕ್ತೋ ಭವಾರ್ಜುನ ॥ ೨೭ ॥
ನ ಏತೇ ಯಥೋಕ್ತೇ ಸೃತೀ ಮಾರ್ಗೌ ಪಾರ್ಥ ಜಾನನ್ ಸಂಸಾರಾಯ ಏಕಾ, ಅನ್ಯಾ ಮೋಕ್ಷಾಯ ಇತಿ, ಯೋಗೀ ನ ಮುಹ್ಯತಿ ಕಶ್ಚನ ಕಶ್ಚಿದಪಿ । ತಸ್ಮಾತ್ ಸರ್ವೇಷು ಕಾಲೇಷು ಯೋಗಯುಕ್ತಃ ಸಮಾಹಿತೋ ಭವ ಅರ್ಜುನ ॥ ೨೭ ॥

ಗತೇಃ ಉಪಾಸ್ಯತ್ವಾಯ ತದ್ವಿಜ್ಞಾನಂ ಸ್ತೌತಿ -

ನೈತೇ ಇತಿ ।

ಯೋಗಸ್ಯ ಮೋಹಾಪೋಹಕತ್ವೇ ಫಲಿತಮ್ ಆಹ -

ತಸ್ಮಾದಿತಿ ।

ಜ್ಞಾನಪ್ರಕಾರಮ್ ಅನುವದತಿ -

ಸಂಸಾರಾಯೇತಿ ।

ಮೋಕ್ಷಾಯ - ಕ್ರಮಮುಕ್ತ್ಯರ್ಥಮ್ ಇತ್ಯರ್ಥಃ । ಯೋಗೀ ಧ್ಯಾನನಿಷ್ಠಃ ಗತಿಮಪಿ ಧ್ಯಾಯನ್ ನೈವ ಮುಹ್ಯತಿ, ಕೇವಲಂ ಕರ್ಮಂ ದಕ್ಷಿಣಮಾರ್ಗಪ್ರಾಪಕಂ ಕರ್ತವ್ಯತ್ವೇನ ನ ಪ್ರತ್ಯೇತಿ ಇತ್ಯರ್ಥಃ ।

ಯೋಗಸ್ಯ ಅಪುನರಾವೃತ್ತಿಫಲತ್ವೇ ನಿತ್ಯಕತಂವ್ಯತ್ವಂ ಸಿದ್ಧಮ್ ಇತಿ ಉಪಸಂಹರತಿ -

ತಸ್ಮಾದಿತಿ

॥ ೨೭ ॥