రాజవిద్యా రాజగుహ్యం పవిత్రమిదముత్తమమ్ ।
ప్రత్యక్షావగమం ధర్మ్యం సుసుఖం కర్తుమవ్యయమ్ ॥ ౨ ॥
రాజవిద్యా విద్యానాం రాజా, దీప్త్యతిశయవత్త్వాత్ ; దీప్యతే హి ఇయమ్ అతిశయేన బ్రహ్మవిద్యా సర్వవిద్యానామ్ । తథా రాజగుహ్యం గుహ్యానాం రాజా । పవిత్రం పావనం ఇదమ్ ఉత్తమం సర్వేషాం పావనానాం శుద్ధికారణం బ్రహ్మజ్ఞానమ్ ఉత్కృష్టతమమ్ । అనేకజన్మసహస్రసఞ్చితమపి ధర్మాధర్మాది సమూలం కర్మ క్షణమాత్రాదేవ భస్మీకరోతి ఇత్యతః కిం తస్య పావనత్వం వక్తవ్యమ్ । కిఞ్చ — ప్రత్యక్షావగమం ప్రత్యక్షేణ సుఖాదేరివ అవగమో యస్య తత్ ప్రత్యక్షావగమమ్ । అనేకగుణవతోఽపి ధర్మవిరుద్ధత్వం దృష్టమ్ , న తథా ఆత్మజ్ఞానం ధర్మవిరోధి, కిన్తు ధర్మ్యం ధర్మాదనపేతమ్ । ఎవమపి, స్యాద్దుఃఖసమ్పాద్యమిత్యత ఆహ — సుసుఖం కర్తుమ్ , యథా రత్నవివేకవిజ్ఞానమ్ । తత్ర అల్పాయాసానామన్యేషాం కర్మణాం సుఖసమ్పాద్యానామ్ అల్పఫలత్వం దుష్కరాణాం చ మహాఫలత్వం దృష్టమితి, ఇదం తు సుఖసమ్పాద్యత్వాత్ ఫలక్షయాత్ వ్యేతి ఇతి ప్రాప్తే, ఆహ — అవ్యయమ్ ఇతి । న అస్య ఫలతః కర్మవత్ వ్యయః అస్తీతి అవ్యయమ్ । అతః శ్రద్ధేయమ్ ఆత్మజ్ఞానమ్ ॥ ౨ ॥
రాజవిద్యా రాజగుహ్యం పవిత్రమిదముత్తమమ్ ।
ప్రత్యక్షావగమం ధర్మ్యం సుసుఖం కర్తుమవ్యయమ్ ॥ ౨ ॥
రాజవిద్యా విద్యానాం రాజా, దీప్త్యతిశయవత్త్వాత్ ; దీప్యతే హి ఇయమ్ అతిశయేన బ్రహ్మవిద్యా సర్వవిద్యానామ్ । తథా రాజగుహ్యం గుహ్యానాం రాజా । పవిత్రం పావనం ఇదమ్ ఉత్తమం సర్వేషాం పావనానాం శుద్ధికారణం బ్రహ్మజ్ఞానమ్ ఉత్కృష్టతమమ్ । అనేకజన్మసహస్రసఞ్చితమపి ధర్మాధర్మాది సమూలం కర్మ క్షణమాత్రాదేవ భస్మీకరోతి ఇత్యతః కిం తస్య పావనత్వం వక్తవ్యమ్ । కిఞ్చ — ప్రత్యక్షావగమం ప్రత్యక్షేణ సుఖాదేరివ అవగమో యస్య తత్ ప్రత్యక్షావగమమ్ । అనేకగుణవతోఽపి ధర్మవిరుద్ధత్వం దృష్టమ్ , న తథా ఆత్మజ్ఞానం ధర్మవిరోధి, కిన్తు ధర్మ్యం ధర్మాదనపేతమ్ । ఎవమపి, స్యాద్దుఃఖసమ్పాద్యమిత్యత ఆహ — సుసుఖం కర్తుమ్ , యథా రత్నవివేకవిజ్ఞానమ్ । తత్ర అల్పాయాసానామన్యేషాం కర్మణాం సుఖసమ్పాద్యానామ్ అల్పఫలత్వం దుష్కరాణాం చ మహాఫలత్వం దృష్టమితి, ఇదం తు సుఖసమ్పాద్యత్వాత్ ఫలక్షయాత్ వ్యేతి ఇతి ప్రాప్తే, ఆహ — అవ్యయమ్ ఇతి । న అస్య ఫలతః కర్మవత్ వ్యయః అస్తీతి అవ్యయమ్ । అతః శ్రద్ధేయమ్ ఆత్మజ్ఞానమ్ ॥ ౨ ॥