సృష్టిస్థితిసంహారాణాం అసఙ్గాత్మాధారత్వం ‘మయా తతమిదమ్‘ (భ. గీ. ౯-౪) ఇత్యాది శ్లోకద్వయేన ఉక్తోఽర్థః । తం దృష్టాన్తేన ఉపపాదయన్ ఆదౌ దృష్టాన్తమాహ, ఇతి యోజనా । ‘సదా’ ఇతి ఉత్పత్తిస్థితిసంహారకాలో గృహ్యతే । ఆకాశాదేః మహతోఽన్యాధారత్వం కథమ్ ? ఇత్యాశఙ్క్య, ఆహ -

మహానితి ।

యథా సర్వగామిత్వాత్  పరిమాణతో మహాన్ వాయుః ఆకాశే సదా తిష్ఠతి, తథా ఆకాశాదీని మహాన్త్యపి సర్వాణి భూతాని ఆకాశకల్పే పూర్ణే ప్రతీచి అసఙ్గే పరస్మిన్ ఆత్మని సంశ్లేషమన్తరేణ స్థితాని, ఇత్యర్థః

॥ ౬ ॥