ಸಮ್ಯಗ್ದರ್ಶನನಿಷ್ಠಾನಾಮೇವ ಯೋಗಕ್ಷೇಮಂ ವಹತಿ ಭಗವಾನ್ ಇತಿ ವಿಶೇಷಣಮ್ ಅಮೃಷ್ಯಮಾಣಃ ಶಂಕತೇ -

ನನ್ವಿತಿ ।

ಅನ್ಯೇಷಾಮಪಿ ಭಕ್ತಾನಾಂ ಭಗವಾನ್ ಯೋಗಕ್ಷೇಮಂ ವಹತಿ ಇತ್ಯೇತದ್ ಅಂಗೀಕರೋತಿ -

ಸತ್ಯಮಿತಿ ।

ತರ್ಹಿ ಭಕ್ತೇಷು ಜ್ಞಾನಿಷು ಚ ವಿಶೇಷೋ ನಾಸ್ತಿ ಇತಿ ಪೃಚ್ಛಾತಿ -

ಕಿಂತ್ವಿತಿ ।

ತತ್ರ ವಿಶೇಷಂ ಪ್ರತಿಜ್ಞಾಯ ವಿವೃಣೋತಿ -

ಅಯಮಿತ್ಯಾದಿನಾ ।

ಯೋಗಕ್ಷೇಮಮ್ ಉದ್ದಿಶ್ಯ ಸ್ವಯಮ್ ಈಹಂತೇ - ಚೇಷ್ಟಾಂ ಕುರ್ವಂತಿ, ಇತಿ ಯಾವತ್ ।

ಆತ್ಮವಿದಾಂ ಸ್ವಾರ್ಥಂ ಯೋಗಕ್ಷೇಮಮ್ ಉದ್ದಿಶ್ಯ ಚೇಷ್ಟಾಭಾವಂ ಸ್ಪಷ್ಟಯತಿ -

ನ ಹೀತಿ ।

ಗುದ್ಧಿಃ - ಅಪೇಕ್ಷಾ, ಕಾಮನಾ । ತಾಮ್ ಇತ್ಯೇತತ್ । ಜ್ಞಾನಿನಾಂ ತರ್ಹಿ ಸರ್ವತ್ರ ಅನಾಸ್ಥಾ ಇತ್ಯಾಶಂಕ್ಯ, ಆಹ -

ಕೇವಲಮಿತಿ ।

ತೇಷಾಂ ತದೇಕಶರಣತ್ವೇ ಫಲಿತಮ್ ಆಹ -

ಅತ ಇತಿ ।

ಇತಿಶಬ್ದೋ ವಿಶೇಷಶಬ್ದೇನ ಸಂಬಧ್ಯತೇ

॥ ೨೨ ॥