సమ్యగ్దర్శననిష్ఠానామేవ యోగక్షేమం వహతి భగవాన్ ఇతి విశేషణమ్ అమృష్యమాణః శఙ్కతే -
నన్వితి ।
అన్యేషామపి భక్తానాం భగవాన్ యోగక్షేమం వహతి ఇత్యేతద్ అఙ్గీకరోతి -
సత్యమితి ।
తర్హి భక్తేషు జ్ఞానిషు చ విశేషో నాస్తి ఇతి పృచ్ఛాతి -
కిన్త్వితి ।
తత్ర విశేషం ప్రతిజ్ఞాయ వివృణోతి -
అయమిత్యాదినా ।
యోగక్షేమమ్ ఉద్దిశ్య స్వయమ్ ఈహన్తే - చేష్టాం కుర్వన్తి, ఇతి యావత్ ।
ఆత్మవిదాం స్వార్థం యోగక్షేమమ్ ఉద్దిశ్య చేష్టాభావం స్పష్టయతి -
న హీతి ।
గుద్ధిః - అపేక్షా, కామనా । తామ్ ఇత్యేతత్ । జ్ఞానినాం తర్హి సర్వత్ర అనాస్థా ఇత్యాశఙ్క్య, ఆహ -
కేవలమితి ।
తేషాం తదేకశరణత్వే ఫలితమ్ ఆహ -
అత ఇతి ।
ఇతిశబ్దో విశేషశబ్దేన సమ్బధ్యతే
॥ ౨౨ ॥