ప్రభురేవ చ ఇత్యుక్తం వివృణోతి -
మత్స్వామికో హీతి ।
తత్ర పూర్వాధ్యాయగతవాక్యం ప్రమాణయతి -
అధియజ్ఞోఽహమితి ।
తథాపి దేవతాన్తరయాజినాం యజనమ్ అవిధిపూర్వకమ్ ఇతి కుతస్సిద్ధమ్ ? తత్ర ఆహ -
తథేతి ।
మమైవ యజ్ఞేషు భోక్తృత్వే ప్రభుత్వే చ సతి, ఇతి యావత్ ।
తయోః భోక్తృప్రభ్వోః భావః తత్వమ్ । తేన - భోక్తృత్వేన ప్రభుత్వేన చ, మామ్ యథావత్ యతో న జానన్తి, అతో భోక్తృత్వాదినా మమ అజ్ఞానాత్ మయ్యనర్పితకర్మాణః చ్యవన్తే కర్మఫలాత్ ఇత్యాహ -
అతశ్చేతి
॥ ౨౪ ॥