యది అన్యదేవతాభక్తాః భగవత్తత్వాజ్ఞానాత్ కర్మఫలాత్ చ్యవన్తే, తర్హి తేషాం దేవతాన్తర యజనమ్ అకిఞ్చిత్కరమ్ ఇత్యాశఙ్క్య, ఆహ -
యేఽపీతి ।
దేవతాన్తరయాజినామ్ అనావృత్తిఫలాభావేఽపి తత్తద్దేవతాయాగానురూపఫలప్రాప్తి ధ్రౌవ్యాత్ న తత్ అకిఞ్చిత్కరమ్ , ఇత్యర్థః ।
దేవతాన్తరయాజినామ్ ఆవశ్యకం తత్ఫలమ్ ఆశఙ్కాపూర్వకమ్ ఉదాహరతి -
కథమిత్యాదినా ।
నియమః - బల్యుపహారప్రదక్షిణప్రహ్వీభావాదిః, ఇత్యర్థః ।