अद्वैतशारदा | दक्षिणाम्नाय श्रीशारदापीठम्, शृङ्गेरी

యాన్తి దేవవ్రతా దేవాన్పితౄన్యాన్తి పితృవ్రతాః ।
భూతాని యాన్తి భూతేజ్యా యాన్తి మద్యాజినోఽపి మామ్ ॥ ౨౫ ॥

యాన్తి గచ్ఛన్తి దేవవ్రతాః దేవేషు వ్రతం నియమో భక్తిశ్చ యేషాం తే దేవవ్రతాః దేవాన్ యాన్తి । పితౄన్ అగ్నిష్వాత్తాదీన్ యాన్తి పితృవ్రతాః శ్రాద్ధాదిక్రియాపరాః పితృభక్తాః । భూతాని వినాయకమాతృగణచతుర్భగిన్యాదీని యాన్తి భూతేజ్యాః భూతానాం పూజకాః । యాన్తి మద్యాజినః మద్యజనశీలాః వైష్ణవాః మామేవ యాన్తి । సమానే అపి ఆయాసే మామేవ న భజన్తే అజ్ఞానాత్ , తేన తే అల్పఫలభాజః భవన్తి ఇత్యర్థః ॥ ౨౫ ॥

యాన్తీతి ; సమానేఽపీతి ; తేనేతి ;

దేవతాన్తరారాధనస్య అన్తవత్ ఫలమ్ ఉక్త్వా, భగవదారాధనస్య అనన్తఫలత్వమ్ ఆహ -

యాన్తీతి ।

భగవదారాధనస్య అనన్తఫలత్వే దేవతాన్తరారాధనం త్యక్త్వా భగవదారాధనమేవ యుక్తమ్ , ఆయాససామ్యాత్ , ఫలాతిరేకాచ్చ, ఇత్యాశఙ్క్య, ఆహ -

సమానేఽపీతి ।

అజ్ఞానాధీనత్వేన దేవతాన్తరారాధనవతాం ఫలతో న్యూనతాం దర్శయతి -

తేనేతి

॥ ౨౫ ॥