ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ನ ಮೇ ವಿದುಃ ಸುರಗಣಾಃ ಪ್ರಭವಂ ನ ಮಹರ್ಷಯಃ ।
ಅಹಮಾದಿರ್ಹಿ ದೇವಾನಾಂ ಮಹರ್ಷೀಣಾಂ ಚ ಸರ್ವಶಃ ॥ ೨ ॥
ನ ಮೇ ವಿದುಃ ನ ಜಾನಂತಿ ಸುರಗಣಾಃ ಬ್ರಹ್ಮಾದಯಃ । ಕಿಂ ತೇ ನ ವಿದುಃ ? ಮಮ ಪ್ರಭವಂ ಪ್ರಭಾವಂ ಪ್ರಭುಶಕ್ತ್ಯತಿಶಯಮ್ , ಅಥವಾ ಪ್ರಭವಂ ಪ್ರಭವನಮ್ ಉತ್ಪತ್ತಿಮ್ । ನಾಪಿ ಮಹರ್ಷಯಃ ಭೃಗ್ವಾದಯಃ ವಿದುಃ । ಕಸ್ಮಾತ್ ತೇ ನ ವಿದುರಿತ್ಯುಚ್ಯತೇ — ಅಹಮ್ ಆದಿಃ ಕಾರಣಂ ಹಿ ಯಸ್ಮಾತ್ ದೇವಾನಾಂ ಮಹರ್ಷೀಣಾಂ ಚ ಸರ್ವಶಃ ಸರ್ವಪ್ರಕಾರೈಃ ॥ ೨ ॥
ನ ಮೇ ವಿದುಃ ಸುರಗಣಾಃ ಪ್ರಭವಂ ನ ಮಹರ್ಷಯಃ ।
ಅಹಮಾದಿರ್ಹಿ ದೇವಾನಾಂ ಮಹರ್ಷೀಣಾಂ ಚ ಸರ್ವಶಃ ॥ ೨ ॥
ನ ಮೇ ವಿದುಃ ನ ಜಾನಂತಿ ಸುರಗಣಾಃ ಬ್ರಹ್ಮಾದಯಃ । ಕಿಂ ತೇ ನ ವಿದುಃ ? ಮಮ ಪ್ರಭವಂ ಪ್ರಭಾವಂ ಪ್ರಭುಶಕ್ತ್ಯತಿಶಯಮ್ , ಅಥವಾ ಪ್ರಭವಂ ಪ್ರಭವನಮ್ ಉತ್ಪತ್ತಿಮ್ । ನಾಪಿ ಮಹರ್ಷಯಃ ಭೃಗ್ವಾದಯಃ ವಿದುಃ । ಕಸ್ಮಾತ್ ತೇ ನ ವಿದುರಿತ್ಯುಚ್ಯತೇ — ಅಹಮ್ ಆದಿಃ ಕಾರಣಂ ಹಿ ಯಸ್ಮಾತ್ ದೇವಾನಾಂ ಮಹರ್ಷೀಣಾಂ ಚ ಸರ್ವಶಃ ಸರ್ವಪ್ರಕಾರೈಃ ॥ ೨ ॥

ಇಂದ್ರಾದಯಃ ಭೃಗ್ವಾದಯಶ್ಚ ಭಗವತ್ಪ್ರಭಾವಂ ನ ವಿಂದಂತಿ ಇತ್ಯತ್ರ ಪ್ರಶ್ನಪೂರ್ವಕಂ ಹೇತುಮ್ ಆಹ -

ಕಸ್ಮಾದಿತಿ ।

ನಿಮಿತ್ತತ್ವೇನ ಉಪಾದಾನತ್ವೇನ ಚ ಯತಃ ದೇವಾನಾಂ ಭಗವಾನೇವ ಹೇತುಃ, ತತಃ ತದ್ವಿಕಾರಾಃ ತೇ ನ ತಸ್ಯ ಪ್ರಭಾವಂ ವಿದುಃ ಇತ್ಯರ್ಥಃ

॥ ೨ ॥