ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸ್ವಯಮೇವಾತ್ಮನಾತ್ಮಾನಂ ವೇತ್ಥ ತ್ವಂ ಪುರುಷೋತ್ತಮ ।
ಭೂತಭಾವನ ಭೂತೇಶ ದೇವದೇವ ಜಗತ್ಪತೇ ॥ ೧೫ ॥
ಸ್ವಯಮೇವ ಆತ್ಮನಾ ಆತ್ಮಾನಂ ವೇತ್ಥ ಜಾನಾಸಿ ತ್ವಂ ನಿರತಿಶಯಜ್ಞಾನೈಶ್ವರ್ಯಬಲಾದಿಶಕ್ತಿಮಂತಮ್ ಈಶ್ವರಂ ಪುರುಷೋತ್ತಮ । ಭೂತಾನಿ ಭಾವಯತೀತಿ ಭೂತಭಾವನಃ, ಹೇ ಭೂತಭಾವನ । ಭೂತೇಶ ಭೂತಾನಾಮ್ ಈಶಿತಃ । ಹೇ ದೇವದೇವ ಜಗತ್ಪತೇ ॥ ೧೫ ॥
ಸ್ವಯಮೇವಾತ್ಮನಾತ್ಮಾನಂ ವೇತ್ಥ ತ್ವಂ ಪುರುಷೋತ್ತಮ ।
ಭೂತಭಾವನ ಭೂತೇಶ ದೇವದೇವ ಜಗತ್ಪತೇ ॥ ೧೫ ॥
ಸ್ವಯಮೇವ ಆತ್ಮನಾ ಆತ್ಮಾನಂ ವೇತ್ಥ ಜಾನಾಸಿ ತ್ವಂ ನಿರತಿಶಯಜ್ಞಾನೈಶ್ವರ್ಯಬಲಾದಿಶಕ್ತಿಮಂತಮ್ ಈಶ್ವರಂ ಪುರುಷೋತ್ತಮ । ಭೂತಾನಿ ಭಾವಯತೀತಿ ಭೂತಭಾವನಃ, ಹೇ ಭೂತಭಾವನ । ಭೂತೇಶ ಭೂತಾನಾಮ್ ಈಶಿತಃ । ಹೇ ದೇವದೇವ ಜಗತ್ಪತೇ ॥ ೧೫ ॥

ಆತ್ಮಾನಂ ನಿರುಪಾಧಿಕಂ ರೂಪಮ್ । ನ ಚ ತವ ಸೋಪಾಧಿಕಮಪಿ ರೂಪಂ ಅನ್ಯಸ್ಯ ಗೋಚರೇ ತಿಷ್ಠತಿ ಇತ್ಯಾಹ -

ನಿರತಿಶಯೇತಿ ।

ಪುರುಷಶ್ಚಾಸೌ ಉತ್ತಮಶ್ಚ ಇತಿ ಕ್ಷರಾಕ್ಷರಾತೀತಪೂರ್ಣಚೈತನ್ಯರೂಪತ್ವಮ್‌ ಸಂಬೋಧನೇನ ಬೋಧ್ಯತೇ ।

ಸರ್ವಪ್ರಕೃತಿತ್ವಮ್ ಸರ್ವಕರ್ತೃತ್ವಂಚ ಕಥಯತಿ -

ಭೂತಾನಿ ಇತಿ ।

ಸರ್ವೇಶ್ವರತ್ವಂ ಆಹ -

ಭೂತಾನಾಮ್ ಇತಿ ।

ಉಕ್ತಂ ತೇ ಸೋಪಾಧಿಕಂ ರೂಪಂ ದೇವಾದೀನಾಮ್ ಆರಾಧ್ಯತಾಮ್ ಅಧಿಗಚ್ಛತಿ ಇತ್ಯಾಹ -

ದೇವೇತಿ ।

ಜಗತಃ ಸರ್ವಸ್ಯ ಸ್ವಾಮಿತ್ವೇನ ಪಾಲಯಿತೃತ್ವಮ್ ಆಹ -

ಜಗದಿತಿ

॥ ೧೫ ॥