ఆత్మానం నిరుపాధికం రూపమ్ । న చ తవ సోపాధికమపి రూపం అన్యస్య గోచరే తిష్ఠతి ఇత్యాహ -
నిరతిశయేతి ।
పురుషశ్చాసౌ ఉత్తమశ్చ ఇతి క్షరాక్షరాతీతపూర్ణచైతన్యరూపత్వమ్ సమ్బోధనేన బోధ్యతే ।
సర్వప్రకృతిత్వమ్ సర్వకర్తృత్వఞ్చ కథయతి -
భూతాని ఇతి ।
సర్వేశ్వరత్వం ఆహ -
భూతానామ్ ఇతి ।
ఉక్తం తే సోపాధికం రూపం దేవాదీనామ్ ఆరాధ్యతామ్ అధిగచ్ఛతి ఇత్యాహ -
దేవేతి ।
జగతః సర్వస్య స్వామిత్వేన పాలయితృత్వమ్ ఆహ -
జగదితి
॥ ౧౫ ॥