ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಕಥಂ ವಿದ್ಯಾಮಹಂ ಯೋಗಿಂಸ್ತ್ವಾಂ ಸದಾ ಪರಿಚಿಂತಯನ್ ।
ಕೇಷು ಕೇಷು ಚ ಭಾವೇಷು ಚಿಂತ್ಯೋಽಸಿ ಭಗವನ್ಮಯಾ ॥ ೧೭ ॥
ಕಥಂ ವಿದ್ಯಾಂ ವಿಜಾನೀಯಾಮ್ ಅಹಂ ಹೇ ಯೋಗಿನ್ ತ್ವಾಂ ಸದಾ ಪರಿಚಿಂತಯನ್ । ಕೇಷು ಕೇಷು ಚ ಭಾವೇಷು ವಸ್ತುಷು ಚಿಂತ್ಯಃ ಅಸಿ ಧ್ಯೇಯಃ ಅಸಿ ಭಗವನ್ ಮಯಾ ॥ ೧೭ ॥
ಕಥಂ ವಿದ್ಯಾಮಹಂ ಯೋಗಿಂಸ್ತ್ವಾಂ ಸದಾ ಪರಿಚಿಂತಯನ್ ।
ಕೇಷು ಕೇಷು ಚ ಭಾವೇಷು ಚಿಂತ್ಯೋಽಸಿ ಭಗವನ್ಮಯಾ ॥ ೧೭ ॥
ಕಥಂ ವಿದ್ಯಾಂ ವಿಜಾನೀಯಾಮ್ ಅಹಂ ಹೇ ಯೋಗಿನ್ ತ್ವಾಂ ಸದಾ ಪರಿಚಿಂತಯನ್ । ಕೇಷು ಕೇಷು ಚ ಭಾವೇಷು ವಸ್ತುಷು ಚಿಂತ್ಯಃ ಅಸಿ ಧ್ಯೇಯಃ ಅಸಿ ಭಗವನ್ ಮಯಾ ॥ ೧೭ ॥

ಕಿಮರ್ಥಂ ವಿಭೂತೀಃ ಶ್ರೋತುಂ ಇಚ್ಛಸಿ ಇತ್ಯಾಶಂಕ್ಯ, ಧ್ಯಾನಸೌಕರ್ಯಪ್ರಕಾರಪ್ರಶ್ನೇನ ಫಲಂ ಕಥಯತಿ -

ಕಥಮಿತಿ ।

ಯೋಗಃ ನಾಮ ಐಶ್ವರ್ಯಂ ತತ್ ಅಸ್ಯ ಅಸ್ತೀತಿ ಯೋಗೋ ಹೇ ಯೋಗಿನ್ , ಅಹಂ ಸ್ಥವಿಷ್ಟಮಾತಿಃ ತ್ವಾಂ ಕೇನ ಪ್ರಕಾರೇಣ ಸತತಂ ಅನುಸಂದಧಾನಃ ವಿಶುದ್ಧಬುದ್ಧಿರ್ಭೂತ್ವಾ ನಿರೂಪಾಧಿಕಂ ತ್ವಾಂ ವಿಜಾನೀಯಾಂ ಇತಿ ಪ್ರಶ್ನಃ ।

ಪ್ರಶ್ನಾನಂತರಂ ಪ್ರಸ್ತೌತಿ -

ಕೇಷು ಕೇಷು ಇತಿ ।

ಚೇತನಾಚೇತನಭೇದಾತ್ ಉಪಾಧಿಬಹುತ್ವಾಚ್ಚ ಬಹುವಚನಮ್

॥ ೧೭ ॥