వేదానాం సామవేదోఽస్మి ఇత్యుక్తమ్ । తత్రావాన్తరవిశేషమాహ-
బృహదితి ।
ఛన్దసాం మధ్యే గాయత్రీ నామ యచ్ఛన్దః తదహమ్ ఇతి అయుక్తమ్ , ఛన్దసాం ఋగ్భ్యః అతిరేకేణ స్వరూపాసమ్భావత్ । ఇత్యాశహ్క్య, ఆహ -
గాయత్ర్యాది ఇతి ।
ద్విజాతేః ద్వితీయజన్మజననీత్వాత్ ఇత్యర్థః ।
మార్గశీర్షః - మృగశీర్షేణ యుక్తా పౌర్ణమాసీ అస్మిన్ ఇతి మార్గశీర్షః మాసః సోఽహమ్ పక్వసస్యాఢ్యత్వాత్ ఇత్యాహ -
మాసానామితి ।
వసన్తః రమణీయత్వాదితి శేషః ।
॥ ౩౫ ॥