ಶ್ರೀಮದ್ಭಗವದ್ಗೀತಾಭಾಷ್ಯಮ್
ದಶಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಚ್ಚಾಪಿ ಸರ್ವಭೂತಾನಾಂ ಬೀಜಂ ತದಹಮರ್ಜುನ ।
ನ ತದಸ್ತಿ ವಿನಾ ಯತ್ಸ್ಯಾನ್ಮಯಾ ಭೂತಂ ಚರಾಚರಮ್ ॥ ೩೯ ॥
ಯಚ್ಚಾಪಿ ಸರ್ವಭೂತಾನಾಂ ಬೀಜಂ ಪ್ರರೋಹಕಾರಣಮ್ , ತತ್ ಅಹಮ್ ಅರ್ಜುನ । ಪ್ರಕರಣೋಪಸಂಹಾರಾರ್ಥಂ ವಿಭೂತಿಸಂಕ್ಷೇಪಮಾಹ — ನ ತತ್ ಅಸ್ತಿ ಭೂತಂ ಚರಾಚರಂ ಚರಮ್ ಅಚರಂ ವಾ, ಮಯಾ ವಿನಾ ಯತ್ ಸ್ಯಾತ್ ಭವೇತ್ । ಮಯಾ ಅಪಕೃಷ್ಟಂ ಪರಿತ್ಯಕ್ತಂ ನಿರಾತ್ಮಕಂ ಶೂನ್ಯಂ ಹಿ ತತ್ ಸ್ಯಾತ್ । ಅತಃ ಮದಾತ್ಮಕಂ ಸರ್ವಮಿತ್ಯರ್ಥಃ ॥ ೩೯ ॥
ಯಚ್ಚಾಪಿ ಸರ್ವಭೂತಾನಾಂ ಬೀಜಂ ತದಹಮರ್ಜುನ ।
ನ ತದಸ್ತಿ ವಿನಾ ಯತ್ಸ್ಯಾನ್ಮಯಾ ಭೂತಂ ಚರಾಚರಮ್ ॥ ೩೯ ॥
ಯಚ್ಚಾಪಿ ಸರ್ವಭೂತಾನಾಂ ಬೀಜಂ ಪ್ರರೋಹಕಾರಣಮ್ , ತತ್ ಅಹಮ್ ಅರ್ಜುನ । ಪ್ರಕರಣೋಪಸಂಹಾರಾರ್ಥಂ ವಿಭೂತಿಸಂಕ್ಷೇಪಮಾಹ — ನ ತತ್ ಅಸ್ತಿ ಭೂತಂ ಚರಾಚರಂ ಚರಮ್ ಅಚರಂ ವಾ, ಮಯಾ ವಿನಾ ಯತ್ ಸ್ಯಾತ್ ಭವೇತ್ । ಮಯಾ ಅಪಕೃಷ್ಟಂ ಪರಿತ್ಯಕ್ತಂ ನಿರಾತ್ಮಕಂ ಶೂನ್ಯಂ ಹಿ ತತ್ ಸ್ಯಾತ್ । ಅತಃ ಮದಾತ್ಮಕಂ ಸರ್ವಮಿತ್ಯರ್ಥಃ ॥ ೩೯ ॥

ಜಾಡ್ಯಮಾತ್ರಪ್ರತಿಬಿಂಬಿತಂ ಚೈತನ್ಯಂ ಬೀಜಮ್ । ಕಿಮಿತಿ ಸ್ಥಾವರಂ ಜಂಗಮಂ ವಾ ತ್ವದತಿರೇಕೇಣ ನ ಭವತೀತಿ ತತ್ರಾಹ -

ಮಯೇತಿ ।

ತಸ್ಯಾಪಿ ಸ್ವರೂಪೇಣ ಸತ್ತ್ವಮಾಶಂಕ್ಯ ಉಕ್ತಮ್ -

ಶೂನ್ಯಂ ಹೀತಿ ।

ಆತ್ಮನಃ ಅಪಕರ್ಷಾತ್ ಇತ್ಯರ್ಥಃ । ಮಯೈವ ಸಚ್ಚಿದಾನಂದಸ್ವರೂಪೇಣ ಸರ್ವಸ್ಯ ಸಿದ್ಧೇಃ । ಇತಿ ಅತಶ್ಶಬ್ದಾರ್ಥಃ

॥ ೩೯ ॥