अद्वैतशारदा | दक्षिणाम्नाय श्रीशारदापीठम्, शृङ्गेरी

శ్రీభగవానువాచ —

కాలోఽస్మి లోకక్షయకృత్ప్రవృద్ధో లోకాన్సమాహర్తుమిహ ప్రవృత్తః ।
ఋతేఽపి త్వా న భవిష్యన్తి సర్వే యేఽవస్థితాః ప్రత్యనీకేషు యోధాః ॥ ౩౨ ॥

కాలః అస్మి లోకక్షయకృత్ లోకానాం క్షయం కరోతీతి లోకక్షయకృత్ ప్రవృద్ధః వృద్ధిం గతః । యదర్థం ప్రవృద్ధః తత్ శృణు — లోకాన్ సమాహర్తుం సంహర్తుమ్ ఇహ అస్మిన్ కాలే ప్రవృత్తః । ఋతేఽపి వినాపి త్వా త్వాం న భవిష్యన్తి భీష్మద్రోణకర్ణప్రభృతయః సర్వే, యేభ్యః తవ ఆశఙ్కా, యే అవస్థితాః ప్రత్యనీకేషు అనీకమనీకం ప్రతి ప్రత్యనీకేషు ప్రతిపక్షభూతేషు అనీకేషు యోధాః యోద్ధారః ॥ ౩౨ ॥

శ్రీభగవానువాచ —

శ్రీ భగవానితి ; ఋతేఽపీతి ;

స్వయం యదర్థా చ స్వప్రవృత్తిః, తత్సర్వం భగవాన్ ఉక్తవాన్ , ఇత్యాహ-

శ్రీ భగవానితి ।

కాలః - క్రియాశక్త్యుపహితః పరమేశ్వరః, అస్మిన్ ఇతి వర్తమానయుద్ధోపలక్షితత్వం కాలస్య వివక్షితమ్ - లోకసంహారార్థం త్వత్ప్రవృత్తావపి న అసౌ అర్థవతీ, ప్రతిపక్షాణాం భీష్మాదీనాం మత్ప్రవృత్తిం వినా సంహర్తుమ్ అశక్యత్వాత్ , ఇత్యాశఙ్క్య, ఆహ-

ఋతేఽపీతి

॥ ౩౨ ॥