ద్రోణం చ భీష్మం చ జయద్రథం చ
కర్ణం తథాన్యానపి యోధవీరాన్ ।
మయా హతాంస్త్వం జహి మా వ్యథిష్ఠా
యుధ్యస్వ జేతాసి రణే సపత్నాన్ ॥ ౩౪ ॥
ద్రోణం చ, యేషు యేషు యోధేషు అర్జునస్య ఆశఙ్కా తాంస్తాన్ వ్యపదిశతి భగవాన్ , మయా హతానితి । తత్ర ద్రోణభీష్మయోః తావత్ ప్రసిద్ధమ్ ఆశఙ్కాకారణమ్ । ద్రోణస్తు ధనుర్వేదాచార్యః దివ్యాస్త్రసమ్పన్నః, ఆత్మనశ్చ విశేషతః గురుః గరిష్ఠః । భీష్మశ్చ స్వచ్ఛన్దమృత్యుః దివ్యాస్త్రసమ్పన్నశ్చ పరశురామేణ ద్వన్ద్వయుద్ధమ్ అగమత్ , న చ పరాజితః । తథా జయద్రథః, యస్య పితా తపః చరతి ‘మమ పుత్రస్య శిరః భూమౌ నిపాతయిష్యతి యః, తస్యాపి శిరః పతిష్యతి’ ఇతి । కర్ణోఽపి వాసవదత్తయా శక్త్యా త్వమోఘయా సమ్పన్నః సూర్యపుత్రః కానీనః యతః, అతః తన్నామ్నైవ నిర్దేశః । మయా హతాన్ త్వం జహి నిమిత్తమాత్రేణ । మా వ్యథిష్ఠాః తేభ్యః భయం మా కార్షీః । యుధ్యస్వ జేతాసి దుర్యోధనప్రభృతీన్ రణే యుద్ధే సపత్నాన్ శత్రూన్ ॥ ౩౪ ॥
ద్రోణం చ భీష్మం చ జయద్రథం చ
కర్ణం తథాన్యానపి యోధవీరాన్ ।
మయా హతాంస్త్వం జహి మా వ్యథిష్ఠా
యుధ్యస్వ జేతాసి రణే సపత్నాన్ ॥ ౩౪ ॥
ద్రోణం చ, యేషు యేషు యోధేషు అర్జునస్య ఆశఙ్కా తాంస్తాన్ వ్యపదిశతి భగవాన్ , మయా హతానితి । తత్ర ద్రోణభీష్మయోః తావత్ ప్రసిద్ధమ్ ఆశఙ్కాకారణమ్ । ద్రోణస్తు ధనుర్వేదాచార్యః దివ్యాస్త్రసమ్పన్నః, ఆత్మనశ్చ విశేషతః గురుః గరిష్ఠః । భీష్మశ్చ స్వచ్ఛన్దమృత్యుః దివ్యాస్త్రసమ్పన్నశ్చ పరశురామేణ ద్వన్ద్వయుద్ధమ్ అగమత్ , న చ పరాజితః । తథా జయద్రథః, యస్య పితా తపః చరతి ‘మమ పుత్రస్య శిరః భూమౌ నిపాతయిష్యతి యః, తస్యాపి శిరః పతిష్యతి’ ఇతి । కర్ణోఽపి వాసవదత్తయా శక్త్యా త్వమోఘయా సమ్పన్నః సూర్యపుత్రః కానీనః యతః, అతః తన్నామ్నైవ నిర్దేశః । మయా హతాన్ త్వం జహి నిమిత్తమాత్రేణ । మా వ్యథిష్ఠాః తేభ్యః భయం మా కార్షీః । యుధ్యస్వ జేతాసి దుర్యోధనప్రభృతీన్ రణే యుద్ధే సపత్నాన్ శత్రూన్ ॥ ౩౪ ॥