अद्वैतशारदा | दक्षिणाम्नाय श्रीशारदापीठम्, शृङ्गेरी

సఖేతి మత్వా ప్రసభం యదుక్తం
హే కృష్ణ హే యాదవ హే సఖేతి ।
అజానతా మహిమానం తవేదం
మయా ప్రమాదాత్ప్రణయేన వాపి ॥ ౪౧ ॥

సఖా సమానవయాః ఇతి మత్వా జ్ఞాత్వా విపరీతబుద్ధ్యా ప్రసభమ్ అభిభూయ ప్రసహ్య యత్ ఉక్తం హే కృష్ణ హే యాదవ హే సఖేతి చ అజానతా అజ్ఞానినా మూఢేన ; కిమ్ అజానతా ఇతి ఆహ — మహిమానం మహాత్మ్యం తవ ఇదమ్ ఈశ్వరస్య విశ్వరూపమ్ । ‘తవ ఇదం మహిమానమ్ అజానతా’ ఇతి వైయధికరణ్యేన సమ్బన్ధః । ‘తవేమమ్’ ఇతి పాఠః యది అస్తి, తదా సామానాధికరణ్యమేవ । మయా ప్రమాదాత్ విక్షిప్తచిత్తతయా, ప్రణయేన వాపి, ప్రణయో నామ స్నేహనిమిత్తః విస్రమ్భః తేనాపి కారణేన యత్ ఉక్తవాన్ అస్మి ॥ ౪౧ ॥

విశ్వరూపమితి ; తవేతి ; తవేత్యాదినా ;

ఇదంశబ్దార్థమ్ ఆహ-

విశ్వరూపమితి ।

న హి ఇదమిత్యస్య మహిమానమిత్యస్య చ సామానాధికరణ్యమ్ , లిఙ్గవ్యత్యయాత్ , ఇత్యాహ-

తవేతి ।

పాఠాన్తరసమ్భావనాయాం సామానాధికరణ్యోపపత్తిమ్ ఆహ-

తవేత్యాదినా ।

‘యదుక్తవాన్ అస్మి, తద్ అహం క్షామయే త్వామ్ ‘ ఇతి సమ్బన్ధః

॥ ౪౧ ॥