ಶ್ರೀಮದ್ಭಗವದ್ಗೀತಾಭಾಷ್ಯಮ್
ಏಕಾದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಸಂಜಯ ಉವಾಚ —
ಇತ್ಯರ್ಜುನಂ ವಾಸುದೇವಸ್ತಥೋಕ್ತ್ವಾ
ಸ್ವಕಂ ರೂಪಂ ದರ್ಶಯಾಮಾಸ ಭೂಯಃ ।
ಆಶ್ವಾಸಯಾಮಾಸ ಚ ಭೀತಮೇನಂ
ಭೂತ್ವಾ ಪುನಃಸೌಮ್ಯವಪುರ್ಮಹಾತ್ಮಾ ॥ ೫೦ ॥
ಇತಿ ಏವಮ್ ಅರ್ಜುನಂ ವಾಸುದೇವಃ ತಥಾಭೂತಂ ವಚನಮ್ ಉಕ್ತ್ವಾ, ಸ್ವಕಂ ವಸುದೇವಸ್ಯ ಗೃಹೇ ಜಾತಂ ರೂಪಂ ದರ್ಶಯಾಮಾಸ ದರ್ಶಿತವಾನ್ ಭೂಯಃ ಪುನಃ । ಆಶ್ವಾಸಯಾಮಾಸ ಚ ಆಶ್ವಾಸಿತವಾನ್ ಭೀತಮ್ ಏನಮ್ , ಭೂತ್ವಾ ಪುನಃ ಸೌಮ್ಯವಪುಃ ಪ್ರಸನ್ನದೇಹಃ ಮಹಾತ್ಮಾ ॥ ೫೦ ॥
ಸಂಜಯ ಉವಾಚ —
ಇತ್ಯರ್ಜುನಂ ವಾಸುದೇವಸ್ತಥೋಕ್ತ್ವಾ
ಸ್ವಕಂ ರೂಪಂ ದರ್ಶಯಾಮಾಸ ಭೂಯಃ ।
ಆಶ್ವಾಸಯಾಮಾಸ ಚ ಭೀತಮೇನಂ
ಭೂತ್ವಾ ಪುನಃಸೌಮ್ಯವಪುರ್ಮಹಾತ್ಮಾ ॥ ೫೦ ॥
ಇತಿ ಏವಮ್ ಅರ್ಜುನಂ ವಾಸುದೇವಃ ತಥಾಭೂತಂ ವಚನಮ್ ಉಕ್ತ್ವಾ, ಸ್ವಕಂ ವಸುದೇವಸ್ಯ ಗೃಹೇ ಜಾತಂ ರೂಪಂ ದರ್ಶಯಾಮಾಸ ದರ್ಶಿತವಾನ್ ಭೂಯಃ ಪುನಃ । ಆಶ್ವಾಸಯಾಮಾಸ ಚ ಆಶ್ವಾಸಿತವಾನ್ ಭೀತಮ್ ಏನಮ್ , ಭೂತ್ವಾ ಪುನಃ ಸೌಮ್ಯವಪುಃ ಪ್ರಸನ್ನದೇಹಃ ಮಹಾತ್ಮಾ ॥ ೫೦ ॥

ತದಿದಂ ವೃತ್ತಂ ರಾಜ್ಞೇ ಸೂತೋ ನಿವೇದಿತವಾನ್ , ಇತ್ಯಾಹ-

ಸಂಜಯ ಇತಿ ।

ತಥಾಭೂತಂ ವಚನಂ - “ ಮಯಾ ಪ್ರಸನ್ನೇನ “ ಇತ್ಯಾದಿ । ಚತುರ್ಭುಜಂ ರೂಪಮ್ ।

ಕಿಂ, ತಸ್ಯ ರೂಪಸ್ಯ ಪರಿಚಿತಪೂರ್ವಸ್ಯ ಪ್ರದರ್ಶನೇನ ಪ್ರಸನ್ನದೇಹತ್ವೇನ ಚ ಅರ್ಜುನಂ ಪ್ರತಿ ಆಶ್ವಾಸನಂ ಭಗವತೋ ಯುಕ್ತಮ್ ಇತ್ಯತ್ರ ಹೇತುಮ್ ಆಹ-

ಮಹಾತ್ಮೇತಿ ।

॥ ೫೦ ॥