ಅರ್ಜುನ ಉವಾಚ —
ಏವಂ ಸತತಯುಕ್ತಾ ಯೇ ಭಕ್ತಾಸ್ತ್ವಾಂ ಪರ್ಯುಪಾಸತೇ ।
ಯೇ ಚಾಪ್ಯಕ್ಷರಮವ್ಯಕ್ತಂ ತೇಷಾಂ ಕೇ ಯೋಗವಿತ್ತಮಾಃ ॥ ೧ ॥
ಏವಮ್ ಇತಿ ಅತೀತಾನಂತರಶ್ಲೋಕೇನ ಉಕ್ತಮ್ ಅರ್ಥಂ ಪರಾಮೃಶತಿ ‘ಮತ್ಕರ್ಮಕೃತ್’ (ಭ. ಗೀ. ೧೧ । ೫೫) ಇತ್ಯಾದಿನಾ । ಏವಂ ಸತತಯುಕ್ತಾಃ, ನೈರಂತರ್ಯೇಣ ಭಗವತ್ಕರ್ಮಾದೌ ಯಥೋಕ್ತೇ ಅರ್ಥೇ ಸಮಾಹಿತಾಃ ಸಂತಃ ಪ್ರವೃತ್ತಾ ಇತ್ಯರ್ಥಃ । ಯೇ ಭಕ್ತಾಃ ಅನನ್ಯಶರಣಾಃ ಸಂತಃ ತ್ವಾಂ ಯಥಾದರ್ಶಿತಂ ವಿಶ್ವರೂಪಂ ಪರ್ಯುಪಾಸತೇ ಧ್ಯಾಯಂತಿ ; ಯೇ ಚಾನ್ಯೇಽಪಿ ತ್ಯಕ್ತಸರ್ವೈಷಣಾಃ ಸಂನ್ಯಸ್ತಸರ್ವಕರ್ಮಾಣಃ ಯಥಾವಿಶೇಷಿತಂ ಬ್ರಹ್ಮ ಅಕ್ಷರಂ ನಿರಸ್ತಸರ್ವೋಪಾಧಿತ್ವಾತ್ ಅವ್ಯಕ್ತಮ್ ಅಕರಣಗೋಚರಮ್ । ಯತ್ ಹಿ ಕರಣಗೋಚರಂ ತತ್ ವ್ಯಕ್ತಮ್ ಉಚ್ಯತೇ, ಅಂಜೇಃ ಧಾತೋಃ ತತ್ಕರ್ಮಕತ್ವಾತ್ ; ಇದಂ ತು ಅಕ್ಷರಂ ತದ್ವಿಪರೀತಮ್ , ಶಿಷ್ಟೈಶ್ಚ ಉಚ್ಯಮಾನೈಃ ವಿಶೇಷಣೈಃ ವಿಶಿಷ್ಟಮ್ , ತತ್ ಯೇ ಚಾಪಿ ಪರ್ಯುಪಾಸತೇ, ತೇಷಾಮ್ ಉಭಯೇಷಾಂ ಮಧ್ಯೇ ಕೇ ಯೋಗವಿತ್ತಮಾಃ ? ಕೇ ಅತಿಶಯೇನ ಯೋಗವಿದಃ ಇತ್ಯರ್ಥಃ ॥ ೧ ॥
ಅರ್ಜುನ ಉವಾಚ —
ಏವಂ ಸತತಯುಕ್ತಾ ಯೇ ಭಕ್ತಾಸ್ತ್ವಾಂ ಪರ್ಯುಪಾಸತೇ ।
ಯೇ ಚಾಪ್ಯಕ್ಷರಮವ್ಯಕ್ತಂ ತೇಷಾಂ ಕೇ ಯೋಗವಿತ್ತಮಾಃ ॥ ೧ ॥
ಏವಮ್ ಇತಿ ಅತೀತಾನಂತರಶ್ಲೋಕೇನ ಉಕ್ತಮ್ ಅರ್ಥಂ ಪರಾಮೃಶತಿ ‘ಮತ್ಕರ್ಮಕೃತ್’ (ಭ. ಗೀ. ೧೧ । ೫೫) ಇತ್ಯಾದಿನಾ । ಏವಂ ಸತತಯುಕ್ತಾಃ, ನೈರಂತರ್ಯೇಣ ಭಗವತ್ಕರ್ಮಾದೌ ಯಥೋಕ್ತೇ ಅರ್ಥೇ ಸಮಾಹಿತಾಃ ಸಂತಃ ಪ್ರವೃತ್ತಾ ಇತ್ಯರ್ಥಃ । ಯೇ ಭಕ್ತಾಃ ಅನನ್ಯಶರಣಾಃ ಸಂತಃ ತ್ವಾಂ ಯಥಾದರ್ಶಿತಂ ವಿಶ್ವರೂಪಂ ಪರ್ಯುಪಾಸತೇ ಧ್ಯಾಯಂತಿ ; ಯೇ ಚಾನ್ಯೇಽಪಿ ತ್ಯಕ್ತಸರ್ವೈಷಣಾಃ ಸಂನ್ಯಸ್ತಸರ್ವಕರ್ಮಾಣಃ ಯಥಾವಿಶೇಷಿತಂ ಬ್ರಹ್ಮ ಅಕ್ಷರಂ ನಿರಸ್ತಸರ್ವೋಪಾಧಿತ್ವಾತ್ ಅವ್ಯಕ್ತಮ್ ಅಕರಣಗೋಚರಮ್ । ಯತ್ ಹಿ ಕರಣಗೋಚರಂ ತತ್ ವ್ಯಕ್ತಮ್ ಉಚ್ಯತೇ, ಅಂಜೇಃ ಧಾತೋಃ ತತ್ಕರ್ಮಕತ್ವಾತ್ ; ಇದಂ ತು ಅಕ್ಷರಂ ತದ್ವಿಪರೀತಮ್ , ಶಿಷ್ಟೈಶ್ಚ ಉಚ್ಯಮಾನೈಃ ವಿಶೇಷಣೈಃ ವಿಶಿಷ್ಟಮ್ , ತತ್ ಯೇ ಚಾಪಿ ಪರ್ಯುಪಾಸತೇ, ತೇಷಾಮ್ ಉಭಯೇಷಾಂ ಮಧ್ಯೇ ಕೇ ಯೋಗವಿತ್ತಮಾಃ ? ಕೇ ಅತಿಶಯೇನ ಯೋಗವಿದಃ ಇತ್ಯರ್ಥಃ ॥ ೧ ॥