ஶ்ரீமத்³ப⁴க³வத்³கீ³தாபா⁴ஷ்யம்
த்³வாத³ஶோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
ஸம்நியம்யேந்த்³ரியக்³ராமம் ஸர்வத்ர ஸமபு³த்³த⁴ய: ।
தே ப்ராப்நுவந்தி மாமேவ ஸர்வபூ⁴தஹிதே ரதா: ॥ 4 ॥
ஸந்நியம்ய ஸம்யக் நியம்ய உபஸம்ஹ்ருத்ய இந்த்³ரியக்³ராமம் இந்த்³ரியஸமுதா³யம் ஸர்வத்ர ஸர்வஸ்மிந் காலே ஸமபு³த்³த⁴ய: ஸமா துல்யா பு³த்³தி⁴: யேஷாம் இஷ்டாநிஷ்டப்ராப்தௌ தே ஸமபு³த்³த⁴ய: । தே யே ஏவம்விதா⁴: தே ப்ராப்நுவந்தி மாமேவ ஸர்வபூ⁴தஹிதே ரதா: । ந து தேஷாம் வக்தவ்யம் கிஞ்சித் ‘மாம் தே ப்ராப்நுவந்தி’ இதி ; ‘ஜ்ஞாநீ த்வாத்மைவ மே மதம்’ (ப⁴. கீ³. 7 । 18) இதி ஹி உக்தம் । ந ஹி ப⁴க³வத்ஸ்வரூபாணாம் ஸதாம் யுக்ததமத்வமயுக்ததமத்வம் வா வாச்யம் ॥ 4 ॥
ஸம்நியம்யேந்த்³ரியக்³ராமம் ஸர்வத்ர ஸமபு³த்³த⁴ய: ।
தே ப்ராப்நுவந்தி மாமேவ ஸர்வபூ⁴தஹிதே ரதா: ॥ 4 ॥
ஸந்நியம்ய ஸம்யக் நியம்ய உபஸம்ஹ்ருத்ய இந்த்³ரியக்³ராமம் இந்த்³ரியஸமுதா³யம் ஸர்வத்ர ஸர்வஸ்மிந் காலே ஸமபு³த்³த⁴ய: ஸமா துல்யா பு³த்³தி⁴: யேஷாம் இஷ்டாநிஷ்டப்ராப்தௌ தே ஸமபு³த்³த⁴ய: । தே யே ஏவம்விதா⁴: தே ப்ராப்நுவந்தி மாமேவ ஸர்வபூ⁴தஹிதே ரதா: । ந து தேஷாம் வக்தவ்யம் கிஞ்சித் ‘மாம் தே ப்ராப்நுவந்தி’ இதி ; ‘ஜ்ஞாநீ த்வாத்மைவ மே மதம்’ (ப⁴. கீ³. 7 । 18) இதி ஹி உக்தம் । ந ஹி ப⁴க³வத்ஸ்வரூபாணாம் ஸதாம் யுக்ததமத்வமயுக்ததமத்வம் வா வாச்யம் ॥ 4 ॥

கத²ம் அக்ஷரம் உபாஸதே? தது³பாஸநே வா கிம் ஸ்யாத் ? இதி ததா³ஹ -

ஸந்நியம்யேதி ।

துல்யா ஹர்ஷவிஷாத³ராக³த்³தே⁴ஷாதி³ரஹிதா ஸம்யக்³ஜ்ஞாநேந அஜ்ஞாநஸ்ய அபநீதத்வாத் ।

க்ரமபரம்பராபேக்ஷயோ: அஸம்ப⁴வம் விவக்ஷித்வா, ஆஹ -

தே ய இதி ।

ஸர்வேப்⁴யோ பூ⁴தேப்⁴யோ ஹிதே ரதா: - ஸர்வேப்⁴யோ பூ⁴தேப்⁴யோ ஹிதமேவ சிந்தயந்த:, ததே³வ ஆசரந்தி ।

ஜ்ஞாநவதாம் யதா²ஜ்ஞாநம் ப⁴க³வத்ப்ராப்தே: அர்த²ஸித்³த⁴த்வாத் அநுவாத³மாத்ரம் , இத்யாஹ -

ந த்விதி ।

ஜ்ஞாநிநோ ப⁴க³வத்ப்ராப்தி: ஸித்³தா⁴ ஏவ, இத்யத்ர ப்ரமாணம் ஆஹ -

ஜ்ஞாநீ த்விதி ।

ஜ்ஞாநவதாம் ப⁴க³வத்ப்ராப்தௌ த ஏவ யுக்ததமா: வக்தவ்யா:, கத²ம் ஸகு³ணப்³ரஹ்மோபாஸகாந் யுக்ததமாந் உக்தவாந் அஸி? இதி ஆஶங்க்ய, ஆஹ -

ந ஹீதி

॥ 4 ॥