अद्वैतशारदा | दक्षिणाम्नाय श्रीशारदापीठम्, शृङ्गेरी

యే తు సర్వాణి కర్మాణి మయి సంన్యస్య మత్పరాః ।
అనన్యేనైవ యోగేన మాం ధ్యాయన్త ఉపాసతే ॥ ౬ ॥

యే తు సర్వాణి కర్మాణి మయి ఈశ్వరే సంన్యస్య మత్పరాః అహం పరః యేషాం తే మత్పరాః సన్తః అనన్యేనైవ అవిద్యమానమ్ అన్యత్ ఆలమ్బనం విశ్వరూపం దేవమ్ ఆత్మానం ముక్త్వా యస్య సః అనన్యః తేన అనన్యేనైవ ; కేన ? యోగేన సమాధినా మాం ధ్యాయన్తః చిన్తయన్తః ఉపాసతే ॥ ౬ ॥

యే త్వితి ;

యది అక్షరోపాసకాః మామ్ ఎవ ఆప్నువన్తి ఇతి విశిష్యన్తే, తత్ కిం సగుణోపాసకాః త్వాం న ఆప్నువన్తి? న, తేషామపి క్రమేణ మత్ప్రాప్తేః ఇత్యాహ -

యే త్వితి ।

తుశబ్ద శఙ్కానివృత్త్యర్థః

॥ ౬ ॥