ఆత్మని వాస్తవక్రియాద్యభావే అధ్యాసాచ్చ తత్సిద్ధౌ, కర్మకాణ్డస్య అవిద్వదధికారిత్వప్రాప్తౌ, ‘విద్వాన్ యజేత’ ‘జ్ఞాత్వా కర్మారభేత’ ఇత్యాదిశాస్రవిరోధః స్యాత్ , ఇతి శఙ్క్తే -
హన్తేతి ।
శాస్రస్య వ్యతిరేకవిజ్ఞానాభిప్రాయత్వాత్ అశనాయాద్యతీతాత్మధీవిధరస్యైవ కర్మకాణ్డాధికారితా, ఇతి అఙ్గీకరోతి -
సత్యమితి ।
కథమ్ అజ్ఞస్యైైవ కర్మధికారిత్వమ్ ఉపపన్నమ్ ? ఇత్యాశఙ్క్య, ఆహ -
ఎతదేవ చేతి ।
జ్ఞానినః జ్ఞాననిష్ఠాయామేవ అధికారః, నిష్ఠాన్తరే తు అజ్ఞస్యైవ, ఇతి ఉపసంహారప్రకరణే విశేషతః భవిష్యతి, ఇత్యాహ -
సర్వేతి ।
తదేవ అనుక్రామతి -
సమాసేనేతి ।
జీవబ్రహ్మణోః ఐక్యాభ్యుపగమే న కిఞ్చిద్ అవద్యమ్ , ఇతి ఉపసంహరతి -
అలమితి
॥ ౨ ॥