अद्वैतशारदा | दक्षिणाम्नाय श्रीशारदापीठम्, शृङ्गेरी

ಇಂದ್ರಿಯಾರ್ಥೇಷು ವೈರಾಗ್ಯಮನಹಂಕಾರ ಏವ ಚ ।
ಜನ್ಮಮೃತ್ಯುಜರಾವ್ಯಾಧಿದುಃಖದೋಷಾನುದರ್ಶನಮ್ ॥ ೮ ॥

ಇಂದ್ರಿಯಾರ್ಥೇಷು ಶಬ್ದಾದಿಷು ದೃಷ್ಟಾದೃಷ್ಟೇಷು ಭೋಗೇಷು ವಿರಾಗಭಾವೋ ವೈರಾಗ್ಯಮ್ ಅನಹಂಕಾರಃ ಅಹಂಕಾರಾಭಾವಃ ಏವ ಚ ಜನ್ಮಮೃತ್ಯುಜರಾವ್ಯಾಧಿದುಃಖದೋಷಾನುದರ್ಶನಂ ಜನ್ಮ ಚ ಮೃತ್ಯುಶ್ಚ ಜರಾ ಚ ವ್ಯಾಧಯಶ್ಚ ದುಃಖಾನಿ ಚ ತೇಷು ಜನ್ಮಾದಿದುಃಖಾಂತೇಷು ಪ್ರತ್ಯೇಕಂ ದೋಷಾನುದರ್ಶನಮ್ । ಜನ್ಮನಿ ಗರ್ಭವಾಸಯೋನಿದ್ವಾರನಿಃಸರಣಂ ದೋಷಃ, ತಸ್ಯ ಅನುದರ್ಶನಮಾಲೋಚನಮ್ । ತಥಾ ಮೃತ್ಯೌ ದೋಷಾನುದರ್ಶನಮ್ । ತಥಾ ಜರಾಯಾಂ ಪ್ರಜ್ಞಾಶಕ್ತಿತೇಜೋನಿರೋಧದೋಷಾನುದರ್ಶನಂ ಪರಿಭೂತತಾ ಚೇತಿ । ತಥಾ

ಇಂದ್ರಿಯೇತಿ ; ಅನಹಂಕಾರ ಇತಿ ; ಜನ್ಮೇತಿ ; ಜನ್ಮನೀತಿ ; ತಥೇತಿ ; ತಥೇತಿ ;

ದೃಷ್ಟಾದೃಷ್ಟೇಷು ಅನೇಕಾರ್ಥೇಷು ರಾಗೇ ತತ್ಪ್ರತಿಬದ್ಧಂ ಜ್ಞಾನಂ ನೋತ್ಪದ್ಯೇತ, ಇತಿ ಮತ್ವಾ ವ್ಯಾಕರೋತಿ -

ಇಂದ್ರಿಯೇತಿ ।

ಆವಿರ್ಭೂತೋ ಗರ್ವಃ ಅಹಂಕಾರಃ, ತದಭಾವೋಽಪಿ ಜ್ಞಾನಹೇತುಃ, ಇತ್ಯಾಹ -

ಅನಹಂಕಾರ ಇತಿ ।

ಇಂದ್ರಿಯಾರ್ಥೇಷು ವೈರಾಗ್ಯಮ್ ಉಕ್ತಮ್ ಉಪಪಾದಯತಿ -

ಜನ್ಮೇತಿ ।

ಪ್ರತ್ಯೇಕಂ ದೋಷೋನುದರ್ಶನಮಿತ್ಯುಕ್ತಮ್ , ತತ್ರ ಜನ್ಮನಿ ದೋಷಾನುದರ್ಶನಂ ವಿಶದಯತಿ -

ಜನ್ಮನೀತಿ ।

ಯಥಾ ಜನ್ಮನಿ ದೋಷಾನುಸಧಾನಮ್ , ತಥಾ ಮೃತ್ಯೌ ದೋಷಸ್ಯ ಸರ್ವಮರ್ಮನಿಕೃಂತನಾದೇಃ ಆಲೋಚನಂ ಕಾರ್ಯಮ್ , ಇತ್ಯಾಹ -

ತಥೇತಿ ।

ಜನ್ಮನಿ ಮೃತ್ಯೌ ಚ ದೋಷಾನುಸಂಧಾನವತ್ , ಜರಾದಿಷ್ವಪಿ ದೋಷಾನುಸಂಧಾನಂ ಕರ್ತವ್ಯಮ್ , ಇತ್ಯಾಹ -

ತಥೇತಿ ।