ಆತ್ಮಾದಿ, ಇತಿ ಆದಿಶಬ್ದಃ ಅನಾತ್ಮಾರ್ಥಃ । ತದ್ವಿಷಯಂ ಜ್ಞಾನಂ ವಿವೇಕಃ ತನ್ನಿತ್ಯತ್ವಮ್ - ತತ್ರೈವ ನಿಷ್ಠಾವತ್ತ್ವಮ್ , ವಿವೇಕನಿಷ್ಠೋ ಹಿ ವಾಕ್ಯಾರ್ಥಜ್ಞಾನಸಮರ್ಥೋ ಭವತಿ । ತೇಷಾಂ ಭಾವನಾಪರಿಪಾಕೋ ನಾಮ ಯತ್ನೇನ ಸಾಧಿತಾನಾಂ ಪ್ರಕರ್ಷಪರ್ಯಂತತ್ವಮ್ । ತನ್ನಿಮಿತ್ತಂ ತತ್ತ್ವಜ್ಞಾನಮ್   - ಐಕ್ಯಸಾಕ್ಷಾತ್ಕಾರಃ । ತತ್ಫಲಾಲೋಚನಂ ಕಿಮರ್ಥಮ್ ? ಇತ್ಯಾಶಂಕ್ಯ, ಆಹ -

ತತ್ತ್ವೇತಿ ।

ಪ್ರವೃತ್ತಿಃ ಸ್ಯಾದಿತಿ । ಅತಃ ತತ್ತ್ವಜ್ಞಾನಾರ್ಥದರ್ಶನಮ್ ಅರ್ಥವತ್ , ಇತಿ ಶೇಷಃ ।

ಜ್ಞಾನಸ್ಯ ಅಂತರಂಗಹೇತುಮ್ ಉಕ್ತಮ್ ಉಪಸಂಹರತಿ -

ಏತದಿತಿ ।

ಕಿಮಿತಿ ತಸ್ಯ ವಿಜ್ಞೇಯತ್ವಮ್ ? ಇತ್ಯಾಶಂಕ್ಯ, ಆಹ -

ಪರಿಹರಣಾಯೇತಿ ।

ತತ್ರ ಹೇತುಃ -

ಸಂಸಾರೇತಿ ।

ತಸ್ಯ ಪ್ರವೃತ್ತಿಃ - ಉತ್ಪತ್ತಿಃ, ತದ್ಧೇತುತ್ವಾತ್ ಮಾನಿತ್ವಾದಿ ತ್ಯಾಜ್ಯಮ್ , ಜ್ಞಾತೇ ಚ ತ್ಯಾಜ್ಯತ್ವೇ ತೇನ ತಸ್ಯ ಜ್ಞೇಯತಾ, ಇತ್ಯರ್ಥಃ । ಇತಿಶಬ್ದಃ ಸಾಧನಾಧಿಕಾರಸಮಸಾಪ್ತ್ಯರ್ಥಃ

॥ ೧೧ ॥