ಶ್ರೀಮದ್ಭಗವದ್ಗೀತಾಭಾಷ್ಯಮ್
ತ್ರಯೋದಶೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಥೋಕ್ತೇನ ಜ್ಞಾನೇನ ಜ್ಞಾತವ್ಯಂ ಕಿಮ್ ಇತ್ಯಾಕಾಂಕ್ಷಾಯಾಮಾಹ — ‘ಜ್ಞೇಯಂ ಯತ್ತತ್’ ಇತ್ಯಾದಿ । ನನು ಯಮಾಃ ನಿಯಮಾಶ್ಚ ಅಮಾನಿತ್ವಾದಯಃ । ನ ತೈಃ ಜ್ಞೇಯಂ ಜ್ಞಾಯತೇ । ನ ಹಿ ಅಮಾನಿತ್ವಾದಿ ಕಸ್ಯಚಿತ್ ವಸ್ತುನಃ ಪರಿಚ್ಛೇದಕಂ ದೃಷ್ಟಮ್ । ಸರ್ವತ್ರೈವ ಚ ಯದ್ವಿಷಯಂ ಜ್ಞಾನಂ ತದೇವ ತಸ್ಯ ಜ್ಞೇಯಸ್ಯ ಪರಿಚ್ಛೇದಕಂ ದೃಶ್ಯತೇ । ನ ಹಿ ಅನ್ಯವಿಷಯೇಣ ಜ್ಞಾನೇನ ಅನ್ಯತ್ ಉಪಲಭ್ಯತೇ, ಯಥಾ ಘಟವಿಷಯೇಣ ಜ್ಞಾನೇನ ಅಗ್ನಿಃ । ನೈಷ ದೋಷಃ, ಜ್ಞಾನನಿಮಿತ್ತತ್ವಾತ್ ಜ್ಞಾನಮುಚ್ಯತೇ ಇತಿ ಹಿ ಅವೋಚಾಮ ; ಜ್ಞಾನಸಹಕಾರಿಕಾರಣತ್ವಾಚ್ಚ —
ಯಥೋಕ್ತೇನ ಜ್ಞಾನೇನ ಜ್ಞಾತವ್ಯಂ ಕಿಮ್ ಇತ್ಯಾಕಾಂಕ್ಷಾಯಾಮಾಹ — ‘ಜ್ಞೇಯಂ ಯತ್ತತ್’ ಇತ್ಯಾದಿ । ನನು ಯಮಾಃ ನಿಯಮಾಶ್ಚ ಅಮಾನಿತ್ವಾದಯಃ । ನ ತೈಃ ಜ್ಞೇಯಂ ಜ್ಞಾಯತೇ । ನ ಹಿ ಅಮಾನಿತ್ವಾದಿ ಕಸ್ಯಚಿತ್ ವಸ್ತುನಃ ಪರಿಚ್ಛೇದಕಂ ದೃಷ್ಟಮ್ । ಸರ್ವತ್ರೈವ ಚ ಯದ್ವಿಷಯಂ ಜ್ಞಾನಂ ತದೇವ ತಸ್ಯ ಜ್ಞೇಯಸ್ಯ ಪರಿಚ್ಛೇದಕಂ ದೃಶ್ಯತೇ । ನ ಹಿ ಅನ್ಯವಿಷಯೇಣ ಜ್ಞಾನೇನ ಅನ್ಯತ್ ಉಪಲಭ್ಯತೇ, ಯಥಾ ಘಟವಿಷಯೇಣ ಜ್ಞಾನೇನ ಅಗ್ನಿಃ । ನೈಷ ದೋಷಃ, ಜ್ಞಾನನಿಮಿತ್ತತ್ವಾತ್ ಜ್ಞಾನಮುಚ್ಯತೇ ಇತಿ ಹಿ ಅವೋಚಾಮ ; ಜ್ಞಾನಸಹಕಾರಿಕಾರಣತ್ವಾಚ್ಚ —

ಉತ್ತರಗ್ರಂಥಮವತಾರಯತಿ -

ಯಥೋಕ್ತೇತಿ ।

ಅಮಾನಿತ್ವಾದೀನಾಂ ಜ್ಞಾನತ್ವಮ್ ಆಕ್ಷಿಪತಿ -

ನನ್ವಿತಿ ।

ವಸ್ತುಪರಿಚ್ಛೇದಕತ್ವಾತ್ ಜ್ಞಾನತ್ವಮ್ ಆಶಂಕ್ಯ, ಆಹ -

ನಹೀತಿ ।

ಪರಿಚ್ಛೇದಕತ್ವಾತ್ ಜ್ಞಾನತ್ವಮ್ , ಜ್ಞಾನತ್ವಾತ್ ಪರಿಚ್ಛೇದಕತ್ವಮ್ , ಇತಿ ಅನ್ಯೋನ್ಯಾಶ್ರಯಾತ್ , ಇತ್ಯಭಿಪ್ರೇತ್ಯ, ಆಹ -

ಸರ್ವತ್ರೇತಿ ।

ಸ್ವಾರ್ಥಸ್ಯೈವ ಜ್ಞಾನಂ ಪರಿಚ್ಛೇದಕಮ್ , ಇತ್ಯೇತತ್ ವ್ಯತಿರೇಕದ್ವಾರಾ ವಿಶದಯತಿ -

ನಹೀತಿ ।

ತ್ರ್ಯತಿರೇಕದೃಷ್ಟಾಂತಮಾಹ -

ಯಥೇತಿ ।

ಅಮಾನಿತ್ವಾದೀನಾಂ ಜ್ಞಾನತ್ವಮಾಕ್ಷಿಪ್ತಂ ಪ್ರತಿಕ್ಷಿಪತಿ -

ನೈಷ ದೋಷ ಇತಿ ।

ತತ್ರ ಹೇತುತ್ವೇನ ಉಕ್ತಂ ಸ್ಮಾರಯತಿ -

ಜ್ಞಾನೇತಿ ।

ತೇಷು ಜ್ಞಾನಶಬ್ದೇ ಹೇತ್ವಂತರಮಾಹೃ -

ಜ್ಞಾನೇತಿ ।