ಅಮಾನಿತ್ವಾದೋನಾಂ ಜ್ಞಾನತ್ವಮುಕ್ತ್ವಾ ಜ್ಞಾತವ್ಯಮವತಾರಯತಿ -

ಜ್ಞೇಯಮಿತಿ ।

ಪ್ರಶ್ನದ್ವಾರಾ ಜ್ಞೇಯಪ್ರವಚನಸ್ಯ ಫಲಮುಕ್ತ್ವಾ ಪ್ರರೋಚನಂ ಕೃತ್ವಾ ತೇನ ಶ್ರೋತುಃ ಆಭಿಮುಖ್ಯಮಾಪಾದಯಿತುಂ ಪ್ರರೋಚನಫಲೋಕ್ತಿಪರಮ್  ಅನಂತರವಾಕ್ಯಮ್ , ಇತ್ಯಾಹ -

ಕಿಮಿತ್ಯಾದಿನಾ ।

ತದೇವ ವಿಶಿನಷ್ಟಿ -

ಅನಾದಿಮದಿತಿ ।

ಆದಿಮತ್ವರಾಹಿತ್ಯಮ್ ಅವ್ಯಾಕೃತಸ್ಯಾಪ್ಯಸ್ತಿ, ಅತೋ ವಿಶೇಷಂ ದರ್ಶಯತಿ -

ಕಿಂ ತದಿತಿ ।

ಭೋಕ್ತುರಪಿ ಭೋಗ್ಯಾತ್ ಪರತ್ವಮ್ , ಇತ್ಯತೋ ವಿಶಿನಷ್ಟಿ -

ಬ್ರಹ್ಮೇತಿ ।